స్టార్‌ హీరో ఆన్ స్క్రీన్ కూతురు 'బుట్టబొమ్మ' భలే ఉందే!

తమిళ స్టార్‌ హీరో అజిత్ కుమార్ నటించిన సినిమాల్లో బాల నటిగా నటించి మెప్పించిన క్యూటీ అనికా సురేంద్రన్. ఆ క్యూటీ ఇప్పుడు పెద్దమ్మాయి అయ్యింది. బాల నటిగా స్టార్‌ హీరో యొక్క ఆన్ స్క్రీన్ డాటర్ గా గుర్తింపు దక్కించుకున్న అనికా ఇప్పుడు వరుసగా తెలుగు మరియు తమిళంలో హీరోయిన్‌ గా నటించేందుకు సిద్ధం అవుతోంది.

తెలుగు లో ఈ అమ్మడు హీరోయిన్ గా నటించిన మొదటి సినిమా కి బుట్టబొమ్మ అనే టైటిల్ ను ఖరారు చేశారు. అల వైకుంఠపురంలో సినిమాలోని బుట్ట బొమ్మ సాంగ్ ఎంతటి పెద్ద విజయాన్ని సొంతం చేసుకుందో అందరికి తెల్సిందే. బుట్ట బొమ్మ అంటే ఒక అందమైన అమ్మాయి అంటూ జనాలు అంటూ ఉంటారు.

బుట్టబొమ్మ టైటిల్ తో రాబోతున్న అనికా సురేంద్రన్‌ కి ఆ టైటిల్ భలే సెట్‌ అయ్యిందంటూ తాజాగా విడుదల అయిన ఫస్ట్‌ లుక్‌ పోస్టర్స్‌ ను చూసిన నెటిజన్స్‌ అభిప్రాయం వ్యక్తం చేస్తున్నారు. చిన్న అమ్మాయిగా అనికా ను గతంలో చూసిన ప్రేక్షకులు ఇప్పుడు ఆమెను హీరోయిన్ గా ఎలా రిసీవ్ చేసుకుంటారు అనేది కాస్త ఆసక్తికరంగా మారింది.

హీరోయిన్ గా మొదటి సినిమా తోనే సితార ఎంటర్‌ టైన్మెంట్స్ బ్యానర్‌ లో నటించే అవకాశం ఈ అమ్మడికి దక్కింది. టాలీవుడ్ లో సితార ఎంటర్‌ టైన్‌మెంట్స్ ఏ స్థాయిలో సినిమాలు చేసుకుంటూ దూసుకు పోతుందో తెల్సిందే. అందుకే ఆ బ్యానర్‌ లో సినిమా అంటే కచ్చితంగా జనాల్లో ఒకింత ఆసక్తి మరియు అంచనాలు ఉంటున్నాయి.

అలాంటి బ్యానర్‌ లో అనికా బుట్ట బొమ్మ సినిమా తో హీరోయిన్ గా ఎంట్రీకి సిద్ధం అవ్వడం వల్ల ఈ అమ్మడికి మొదటి సినిమాతోనే మంచి క్రేజ్‌ దక్కే అవకాశం ఉందని ఇండస్ట్రీ వర్గాల వారు అభిప్రాయం వ్యక్తం చేస్తున్నారు.

ఈ సినిమాని సితార ఎంటర్‌ టైన్‌మెంట్స్ వారు ఫొర్టీన్ ఫోర్ సినిమాస్ బ్యానర్‌ తో కలిసి నిర్మిస్తున్నారు. శౌరి చంద్రశేఖర్ మరియు టి రమేష్ లు ఈ సినిమాకు దర్శకత్వం వహిస్తున్నారు. త్వరలోనే ఈ సినిమా విడుదల తేదీని ప్రకటించబోతున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.