పాతాళ భైరవిలాంటి సినిమానుచేయాలనివుంది!

నిర్మాత సి.కళ్యాణ్. అతని బర్త్ డే సందర్భంగా తనలో వున్న కోరికల చిట్టాను విప్పాడు. స్వర్గీయ ఎన్టీ రామారావు ఆశీసులుంటే.. పాతాళ భైరవి లాంటి సినిమాను చేయాలని... అలాగే దేవుడి దయవుంటే.. నిర్మాత డి.రామానాయుడు లా వంద సినిమాలు నిర్మించాలని వుందని... ఇలా చాలా కోరికలు చెబుతున్నాడు. కాళికామాత మీద ‘అమ్మ’ పేరుతో ఓ అడ్వెంచరస్ మూవీని ‘పాతాళ భైరవి’ని తలపించేలా చేస్తా అని చెబుతున్నాడు. అన్నీ కుదిరితే వరుణ్ తేజ్ తోనే ఈ సినిమా చెస్తాడట. ఇదో ప్రిస్టీజియస్ ప్రాజెక్టుగా చెబుతున్న నిర్మాత సి.కళ్యాణ్.. మరి ఎప్పుడు తెరకెక్కించేది చెప్పలేదు. అయితే త్వరలో వి.వి.వినాయక్, శ్రీను వైట్ల, త్రివిక్రమ్ లతో మాత్రం సినిమాలు వరుసగా చేస్తాడట. వారు ఇంతకు ముందే ఇతనితో కమిట్ అయ్యారట. సినిమాల కోరిక ఇలా వుంటే..

> ఇక సోషల్ వర్క్ గురించి పెద్ద టార్గెట్టే పెట్టుకున్నాడు. ఫైవ్ స్టార్ హోటల్ ను తలపించేలా వృద్ధాశ్రమాలు ఏర్పాటు చేసి.. సేవ చేస్తా అంటున్నాడు. కనీసం పది ఎకరాల్లో వాటిని సౌతిండియన్ ఫిలిం ఛాంబర్ ఆధ్వర్యంలో నిర్మిస్తాడట. తెలుగు రాష్ట్రాలతో పాటు తమిళనాడు, కర్ణాటక, కేరళలో ఈ వృద్దాశ్రమాలను ఏర్పాటు చేసి తీరుతానని చెబుతున్నాడు. ఇప్పటికే తమిళనాడు ముఖ్యమంత్రి జయలలిత గ్రీన్ సిగ్నల్ కూడా ఇచ్చిందట. తన జీవితంలో ఇదే పెద్ద డ్రీమ్ ప్రాజెక్టు అంటున్న నిర్మాత సి.కళ్యాణ్ బర్త్ డే ఈనెల 9వ తేదీన జరుపుకొంటున్నారు.