పవన్ ఫ్యాన్స్ కి లోఫర్ నిర్మాత పంచ్

మెగావారి ఫంక్షన్ ఏదైనా జరుగుతుంటే వి వాంట్ పవర్ స్టార్.. వి వాంట్ కళ్యాణ్ అని అరవడం స్టార్ స్టేటస్ గా ఫీల్ అవుతున్నారు అతని అభిమానులు. వాళ్ళలో వాళ్లకు ఎంతవరకూ చేడిందో తెలియదుగానీ ఇలానే అరుచుకుంటూ పోతే మెగా వారసులకి, మెగా అభిమానులకు మధ్య తప్పకుండా చెడుతుంది అన్నది వాస్తవం. ఇలా పవర్ స్టార్ అరుపులు రెండు మూడు వేదికలలో హాట్ టాపిక్ గా నిలిచాయి. చిరంజీవి పుట్టినరోజు వేడుకలలో అభిమానులను నాగబాబు నిలబెట్టి కడిగేశాడు.

ఇటీవల లోఫర్ ఆడియో విడుదలలో కూడా ఇలా పవన్ జపమే చేసి ప్రభాస్ ని ఇబ్బంది పెట్టిన సందర్భం మనకు తెలిసినదే . ఆ తరువాత ప్రభాస్ ఫీల్ అవ్వలేదని పూరి - వరుణ్ లు ప్రత్యేకంగా చెప్పుకోవలిసి వచ్చింది. ఇక నిన్న లోఫర్ ట్రిపుల్ ప్లాటినం ఫంక్షన్ లో ఇదే సీన్ రిపీట్ అవుతుంటే ఆ సినిమా నిర్మాత అభిమానులకు మాత్రం గట్టి పంచ్ ఇచ్చాడు.

యధావిధిగా పూరి స్పీచ్ లో కళ్యాణ్ కళ్యాణ్ అని అరుస్తున్న అభిమానులను ఉద్దేశించి పూరి దగ్గర నుండి మైక్ తీసుకుని నిర్మాత ఏ కళ్యాణ్, సి. కళ్యాణా అని అడిగేశాడు. నిజానికి తన పేరు కూడా కళ్యాణ్ కావడంతో ఈ పంచ్ అద్భుతంగా పేలింది. పక్కనున్న పూరి బిగ్గరగా నవ్వుకోవడమే దానికి నిదర్శనం.