రోగ్ తో ప్రొడ్యూసర్ సూపర్ రికార్డ్

స్టార్లు తమ వారసులను హీరోలుగా నిలబెట్టడం ఎప్పటినుంచో ఉంది. కొన్నేళ్ల నుంచి మాత్రం.. ఇండస్ట్రీలో ప్రతీ ఫీల్డ్ లో ఉన్నవారు ఇదే ప్రయత్నాలు చేస్తున్నారు. అందరికంటే ఎక్కువగా ఛాన్స్.. కమాండ్ ఉన్న నిర్మాతలు కూడా ఇదే రూట్ లో ఉన్నారు. కానీ.. ఇదే టైంలో కొత్త రికార్డులు కూడా సృష్టించేస్తున్నారు.

బెల్లంకొండ శ్రీనివాస్ ను హీరోగా లాంఛ్ చేసేందుకు బెల్లంకొండ సురేష్ భారీగానే ఖర్చుచేశాడు. వివి వినాయక్ డైరెక్షన్.. హీరోయిన్ గా సమంత.. ఐటెం సాంగ్ లో తమన్నా.. భారీ భారీ సెట్స్.. అబ్బో బోలెడంత హంగామా చేసి సినిమాని రూపొందించాడు బెల్లంకొండ సురేష్. వినాయక్ బ్రాండ్ పై ఈ మూవీ బాగానే బండిని లాక్కొచ్చింది. అయినా సరే.. నిర్మాతకు 20 కోట్లు ఎగిరిపోయాయి. అరంగేట్రంలో హీరోకు అంత స్టామినా ఉండదని తెలిసి కూడా చేసిన తప్పుకు మూల్యం అది.

ఇప్పుడీయన రికార్డును బద్దలు కొట్టేస్తున్నాడు నిర్మాత సిఆర్ మనోహర్. తన కొడుకు ఇషాన్ ను హీరోగా లాంఛ్ చేసేందుకు.. పట్టుపట్టి మరీ పది కోట్లు చెల్లించుకుని పూరీని తెచ్చుకున్నాడు. హీరోస్ ను లాంఛ్ చేయడంలో పూరీ జగన్నాధ్ కి మంచి ట్రాక్ రికార్డ్ ఉండేది. టాలీవుడ్ లో రామ్ చరణ్.. కన్నడలో పునీత్ రాజ్ కుమార్ లు పూరీ చేతులమీదుగానే లాంఛ్ అయ్యారు. కన్నడతో పాటు తెలుగులో కూడా భారీగానే రిలీజ్ అయిన ఈ మూవీ.. రెండు చోట్లా ఘోరంగా విఫలమైంది. రోగ్ కారణంగా మనోహర్ కు 30 కోట్లు వరకూ చేతిచమురు వదులుతోందని అంటున్నారు. రెండు భాషల్లోనూ దాదాపుగా సొంత రిలీజ్ చేసుకోవడంతో.. ఈ నష్టం మొత్తం నిర్మాతే భరించాలి. తప్పదంతే.

Like Us on Facebook : https://www.facebook.com/Tupakidotcom/