కేలండర్ నుంచి బాలీవుడ్ హీరోయిన్

బాలీవుడ్ హీరోయిన్.. చాలామంది కోరుకునే స్టేటస్ ఇది. దీన్ని అందుకోవడానికి కొంతమందికి నేరుగానే అవకాశాలు చిక్కితే.. మరికొంతమంది మోడల్స్ గాను, కేలండర్ గాల్స్ గాను సత్తా చాటి, అందాలు ఆరబోసి, ఆ తర్వాత ఇండస్ట్రీలోకి అడుగుపెడుతుంటారు. ఇలా ఎంటర్ అయినవారిలో టాప్ హీరోయిన్స్ అయినవారున్నారు. ఐటెమ్ గాల్స్ గా మిగిలిపోతున్నవారూ ఉన్నారు.

ప్రస్తుతం బాలీవుడ్ లో వెలుగుతున్న వయ్యారి భామల్లో కేలండర్ గాల్స్ గా వెలుగులు చిమ్మిన వాళ్ల వివరాలు ఇవే. ప్రస్తుతం టాప్ హీరోయిన్ స్టేటస్ అనుభవిస్తున్న దీపికా పదుకొనే.. కింగ్ ఫిషర్ కేలండర్ గాళ్ గా మెరుపులు మెరిపించిన భామే. 2003లోనే కింగ్ ఫిషర్ కేలండర్ కోసం అందాలు ఒలకబోసింది కత్రినా కైఫ్ కూడా. జన్నత్ 2 తో బాలీవుడ్ ని ఆకట్టుకున్న ఈషా గుప్తా 2010లో కింగ్ ఫిషర్ కేలండర్ పై మెరిపించింది. క్వీన్ మూవీతో హిందీ ప్రేక్షకులను కట్టిపడేసిన లీసా హడ్సన్ 2011లో కేలండర్ గాళ్.

'బాబూజీ జర ధీరే చలో' అన్న యానా గుప్తా కూడా కింగ్ ఫిషర్ కేలండర్ భామే. రాక్ స్టార్ వయ్యారి నర్గీన్ ఫక్రీ 2009లో కింగ్ ఫిషర్ కేలండర్ లోనే కనిపించిన చిన్నదే. ఎక్స్ పోజ్ మూవీతో పాటు బిగ్ బాస్ షోతోనూ పాపులర్ అయిన సోనాలి రౌత్ కూడా ఇదే బాపతు. అంతే కాదు సారా జేన్ జియాజ్ కూడా కింగ్ ఫిషర్ కేలండర్ లో స్థానం సంపాదించుకున్న సెక్సీ బ్యూటీయే.