బాబు.. నువ్వు మామూలు బాబువు కాదు.. గోల్డ్​బాబువు.. !

ఆర్భాటాలకు, ఆడంబరాలకు తమిళనాడు మనుషులు పెట్టింది పేరు. ఏదైనా అతి చేస్తే తప్ప వాళ్లకు కిక్కు ఉండదు. తాజాగా హీరోగా నటించాలనుకున్న ఓ వ్యక్తి ఏకంగా ఆరుకిలోల బంగారం ఒంటిమీద ధరించి సెట్​ మీదకు వచ్చాడు. ఆయన గెటప్​ చూసి.. ప్రొడ్యూసర్లు, హీరోయిన్​ అవాక్కయ్యారు. ఎవరా? హీరో ? ఏమిటా కథ? ఇప్పుడు తెలుసుకుందాం..

తమిళనాడుకు చెందిన ప్రఖ్యాత ఏవీఎం స్టూడియో ఈ కొత్త సినిమాను తీయబోతున్నది. ఈ చిత్రం ద్వారా ఓ కొత్త హీరో తమిళతెరకు పరిచయం కాబోతున్నాడు. ఇంతవరకు బాగానే ఉంది. కానీ సినిమాలో నటించబోయే హీరో గోల్డ్ మాన్ హరి నాడార్ ఏకంగా ఆరుకిలోల బంగారం ధరించి సెట్​ మీదకు వచ్చాడు. ఇప్పుడు ఈ విషయం సోషల్​మీడియాలో తెగ వైరల్​ అవుతున్నది. తమిళనాడులో నాడార్ అనేది ఓ బలమైన సామాజికవర్గం.

అయితే ఈ నాడార్​ వర్గాన్ని రాజకీయంగా బలోపేతం చేయడానికి గోల్ద్​ మాన్​ హరి నాడార్​ కంకణం కట్టుకున్నారు. 'నాడార్​ పెరవై' అనే ఓ సంస్థను ఏర్పాటు చేసి తన కులం కోసం ఆయన పోరాడుతున్నారు. ఇదిలా ఉంటే ఇటీవల ఆయన యూట్యూబ్​ చానల్​లో కొన్ని వీడియోలు పెడుతున్నారు. ఈ వీడియోలు విపరీతంగా వైరల్​ అయ్యాయి. దీంతో ఏకంగా సినిమానే తీయాలకున్నారు.

రాజు తలుకుంటే దెబ్బలకు కొదవా చెప్పండి.. అనుకున్నదే తడువుగా '2K / అలగనాదు కాదల్' పేరుతో చిత్ర నిర్మాణానికి పూనుకున్నారు. ఏవీఎం స్టూడియోలో ఈ సినిమా షూటింగ్ ప్రారంభ కార్యక్రమం జరిగింది. ప్రముఖ నిర్మాత ఆర్ బి చౌదరి కార్యక్రమానికి హాజరయ్యారు.ఈ సినిమాలో వివాదాస్పద నటి వనిత విజయ కుమార్ హీరోయిన్​.. ఇదిలా ఉంటే ఇందుకు సంబంధించిన ఫొటోలు ప్రస్తుతం సోషల్​ మీడియాలో వైరల్​ అవుతున్నాయి