బడానిర్మాతకు బాలయ్య సినిమా దక్కుతుందా..??

చిత్రపరిశ్రమలో హీరోలకు బడా నిర్మాతలతో సినిమాలు చేయాలనే కోరికలు ఉన్నట్లే.. బడా నిర్మాతలకు కూడా కొందరు హీరోలతో సినిమాలు తీయాలనే కోరికలు కూడా ఉంటాయి. కానీ అనుకున్నవన్నీ జరుతాయని అనుకుంటే పొరపాటే అవుతుంది. అలాగని అవకాశం వచ్చినప్పుడు చేజార్చుకుంటే కూడా అర్ధంలేకుండా పోతుంది. ప్రస్తుతం హీరోలతో సినిమాలు చేయాలనీ నిర్మాతలు కూడా తహతహలాడుతున్నారు. అలాంటి వారిలో ఒకరు ప్రముఖ నిర్మాత దిల్ రాజు. శ్రీ వెంకటేశ్వరా క్రియేషన్స్ బ్యానర్ పై తెలుగు సినీరంగంలో దాదాపు చిన్నహీరోల దగ్గర నుండి స్టార్ హీరోల వరకు అందరితో సినిమాలు నిర్మించాడు దిల్ రాజు. కానీ ఆయనకు కూడా ఇన్నేళ్లలో ఫలానా హీరోలతో సినిమాలు తీయలేకపోయననే బాధ ఉన్నట్లు ఇటీవలే బయటపెట్టాడట.

అయితే మొదటినుండి ఫ్యామిలీ ప్రేక్షకులను దృష్టిలో పెట్టుకొని దిల్ రాజు సినిమాలను నిర్మిస్తున్నాడు. అలాగే ఫ్యామిలీ ప్రేక్షకుల మన్ననలు పొందుతూ స్టార్ ప్రొడ్యూసర్ గా ఎదిగాడు. కానీ అనుకున్న హీరోలతో ఒక్కసినిమా కూడా చేయకపోవడమే ఆయనకు లోటుగా ఫీలవుతున్నాడు. మరింతకు ఎవరితో సినిమా చేయలేదు అంటే.. నటసింహం నందమూరి బాలకృష్ణ, మెగాస్టార్ చిరంజీవిలతో ఇన్నేళ్లు చేయలేకపోయాడు. అయితే వీరిలో మెగాస్టార్ తో చేసే అవకాశం వస్తుందేమో గాని బాలయ్యతో ఛాన్స్ దొరకడం కష్టమని సినీవర్గాలు చెబుతున్నాయి.

ఎందుకంటే బాలయ్య ఓపట్టానా ఒప్పుకోడు అనేది టాక్. ఇప్పటివరకు బాలయ్యతో దిల్ రాజు సన్నిహితంగా ఎప్పుడు కనిపించలేదు. అలాగే సినిమాకోసం కూడా సంప్రదించిన దాఖలాలు లేవు. మరి సాధ్యం అవుతుందా.. అంటే డైరెక్టర్ అనిల్ రావిపూడిని లైన్ లో పెడుతున్నాడట దిల్ రాజు. అనిల్ బాలయ్యతో ఓ సినిమా చేయాలనీ ఎప్పటినుండో అనుకుంటున్నాడట. అయితే ప్రస్తుతం బాలయ్య బిబి3, గోపీచంద్ మలినేని సినిమాలతో బిజీ ఉండగా.. అనిల్ ఎఫ్3 మూవీతో బిజీగా ఉన్నాడు. ఈ సినిమాల తర్వాత వీరి కాంబినేషన్ మూవీ ఉంటుందని పుకార్లు వైరల్ అవుతున్నాయి. చూడాలి మరి దిల్ రాజు కోరిక తీరుతుందేమో!