ఎన్టీఆర్ ప‌క్క‌న జాన్వీ నిల‌బ‌డ‌గ‌ల‌దా?

అతిలోక సుంద‌రి, దింగ‌త న‌టి శ్రీ‌దేవి ముద్దుల కూతురు జాన్వీ క‌పూర్ గ‌త కొంత కాలంగా టాలీవుడ్ లో ఎంట్రీ ఇస్తుందంటూ ప్ర‌చారం జ‌రుగుతూనే వుంది. కానీ ఇంత వ‌ర‌కు త‌న‌కు ఏ సినిమా ఓకే కాలేదు. విజ‌య్ దేవ‌ర‌కొండ న‌టించిన 'లైగ‌ర్‌' సినిమాతో జాన్వీ టాలీవుడ్ ఎంట్రీ ఇస్తుంద‌ని ప్ర‌చారం జ‌రిగింది. త‌ను కూడా విజ‌య్ దేవ‌ర‌కొండ‌తో క‌లిసి న‌టించ‌డానికి చాలా ఆసక్తిగా వున్నాన‌ని ప‌లు ఇంట‌ర్వ్యూల్లో వెల్ల‌డించింది కూడా.

కానీ త‌ను అంగీక‌రించిన సినిమాల డేట్స్ స‌మ‌స్య కార‌ణంగా జాన్వీ క‌పూర్ .. విజ‌య్ దేవ‌ర‌కొండ‌తో క‌లిసి 'లైగ‌ర్‌'లో న‌టించ‌లేక‌పోయింద‌నే కామెంట్ లు వినిపించాయి. కానీ జాన్వీ టాలీవుడ్ అంటే త‌న‌కు ఇష్ట‌మ‌ని చెబుతూనే వ‌చ్చి ఆఫ‌ర్ల‌ని అంగీక‌రించ‌డం లేద‌నే కామెంట్ లు కూడా వినిపిస్తున్నాయి.

ఇదిలా వుంటే జ‌న్వీ క‌పూర్ తాజాగా 'మిలీ' అనే మూవీలో న‌టించింది. స‌ర్వైవల్ థ్రిల్ల‌ర్ గా రూపొందిన ఈ సినిమా న‌వంబ‌ర్ 4న రిలీజ్ కాబోతోంది. ఈ సంద‌ర్భంగా మీడియాతో మాట్లాడుతున్న జాన్సీ .. యంగ్ టైగ‌ర్ ఎన్టీఆర్ పై ప్ర‌శంస‌ల వ‌ర్షం కురిపిస్తోంది. త‌ను ఓ లెజెండ్ అంటూ కాకా ప‌ట్ట‌డం మొద‌లు పెట్టింది.

ఎన్టీఆర్ తో క‌లిసి న‌టించే అవ‌కాశం త్వ‌ర‌లోనే వ‌స్తుంద‌ని ఆశిస్తున్నాన‌ని ఫీల‌ర్ లు వ‌దులు తోంది. ఇదిలా వుంటే యంగ్ టైగ‌ర్ ఎన్టీఆర్ త‌న 30వ ప్రాజెక్ట్ ని స్టార్ డైరెక్ట‌ర్ కొర‌టాల శివ‌తో చేస్తున్న విష‌యం తెలిసిందే. త్వ‌ర‌లోనే ఈ మూవీ రెగ్యుల‌ర్ షూటింగ్ ప్రారంభం కాబోతోంది. ఈ మూవీలో ఎన్టీఆర్ కు జోడీగా జాన్వీ క‌పూర్ ని ఫైన‌ల్ చేస్తున్నారంటూ వార్త‌లు వినిపిస్తున్నాయి. మేలో ఎన్టీఆర్ పుట్టిన రోజు సంద‌ర్భంగా అధికారికంగా డైలాగ్ టీజ‌ర్ తో ప్ర‌క‌టించిన ఈ ప్రాజెక్ట్ ఇప్ప‌టి వ‌ర‌కు ముందుకు వెళ్ల‌లేదు.

రెగ్యుల‌ర్ షూటింగ్ ఎప్పుడెప్పుడు మొద‌ల‌తుందా అని ఎన్టీఆర్ అభిమానులు అస‌హ‌నంతో ఊగిపోతున్నారు. మేక‌ర్స్ ని సోష‌ల్ మీడియా వేదిక‌గా టార్గెట్ చేస్తూ ఘాటుగా విమ‌ర్శ‌లు చేస్తున్నారు. ఈ నేప‌థ్యంలో ఎన్టీఆర్ కు జోడీగా ఈ మూవీలో జాన్వీ క‌పూర్ న‌టించే అవ‌కాశం వుంద‌నే వార్త‌లు జోరందుకున్నాయి. అయితే ఈ వార్త‌ల‌పై సెటైర్లు ప‌డుతున్నాయి. ఇప్ప‌టి వ‌ర‌కు జాన‌క‌వీ క‌పూర్ గొప్ప గొప్ప పాత్ర‌లు.. న‌టిగా పేరు తెచ్చే సినిమాలు చేయ‌లేదు.

న‌ట‌న కూడా అంతంత మాత్ర‌మే. గ్లామ‌ర్ డాల్ ఇమేజ్ తో హాట్ హాట్ ఫొటో షూట్ ల‌లో అందాలు ఆర‌బోస్తూ నెట్టుకొస్తోంది. అయితే ఎన్టీఆర్ లాంటి స్టార్ టాలెంటెడ్ యాక్ట‌ర్ ప‌క్క‌న జాన్వీ నిల‌బ‌డ‌గ‌ల‌దా?.. నిల‌బ‌డి త‌ట్టుకోగ‌ల‌దా? .. ఎన్టీఆర్ ప‌క్క‌న న‌టించి ట్రోల‌ర్స్ కి చిక్క‌డం కంటే త‌న ప‌క్క‌న జాన్వీ చేయ‌క‌పోవ‌డ‌మే మంచిద‌ని శ్రీ‌దేవి అభిమానులు వాపోతున్నార‌ట‌. ఇదిలా వుంటే ఎన్టీఆర్ ప‌క్క‌న ఎవ‌రు చేసినా తేలిపోతార‌న్న‌ది అంద‌రికి తెలిసిందే. మ‌రి జాన్వీ ఇవ‌న్నింటినీ ప‌క్క‌న పెట్టి ఎన్టీఆర్ తో న‌టించే అవకాశాన్ని ద‌క్కించుకుంటుందా? అన్న‌ది వేచి చూడాల్సిందే అంటున్నారు విశ్లేష‌కులు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.