ఖుషిని ఒక్కడు కొట్టగలడా?

టాలీవుడ్ పవర్ స్టార్ పవన్ కళ్యాణ్ నటించిన ఖుషి సినిమా ఇటీవల రీ రీలీజ్ అయిన విషయం తెలిసిందే. 20 ఏళ్లయినా కూడా ఈ సినిమా రేంజ్ అసలు తగ్గలేదు అని కలెక్షన్స్ తో మరోసారి క్లారిటీగా అర్థమయింది. ఇప్పటివరకు రీ రిలీజ్ ట్రెండ్ లో తెలుగులో ఏ సినిమా కూడా అందుకోని విధంగా ఖుషి సినిమా అత్యధిక స్థాయిలో కలెక్షన్స్ అందుకుంది.

రెండు రోజుల్లో రెండు తెలుగు రాష్ట్రాల్లో కూడా 5 కోట్ల వరకు కలెక్షన్స్ రావడం అంటే ఆశ్చర్యమనే చెప్పాలి. అసలు ఈ రేంజ్ లో రెస్పాన్స్ వస్తుందని ఆడియోన్స్ ఎవరు కూడా ఊహించలేదు. ఇంతకుముందు వచ్చిన జల్సా సినిమా రికార్డులను కూడా ఖుషి సినిమా బ్రేక్ చేసింది. అయితే మొదట పోకిరి సినిమాతోనే అసలైన హవా మొదలయ్యింది. ఆ సినిమా రిలీజ్ ద్వారా దాదాపు కోటిన్నర కలెక్షన్స్ సొంతం చేసుకుంది.

మహేష్ బాబు స్టార్ హోదా ఏమిటో ఆ సినిమా హౌస్ ఫుల్ కలెక్షన్స్ తో నిరూపించింది. అయితే ఖుషి సినిమా మాత్రం పోకిరి రికార్డును మొదటి రోజు సగం కలెక్షన్స్ తోనే కొట్టేసింది. అయితే ఇప్పుడు ఒక్కడు సినిమాను కూడా జనవరి 7వ తేదీన మళ్లీ విడుదల చేయబోతున్నారు. ఇప్పటికే కొన్ని థియేటర్లకు సంబంధించిన అడ్వాన్స్ బుకింగ్స్ కూడా ఓపెన్ అయ్యాయి.

ప్రస్తుతం టికెట్లు హాట్ కేకుల్లో అమ్ముడుపోతున్నాయి. అప్పటికి సంక్రాంతి సెలవులు స్టార్ట్ అవుతాయి కాబట్టి సినిమాకు బాగా కలిసి వచ్చే అవకాశం ఉంది. అయితే ఖుషి సినిమాకు వచ్చిన కలెక్షన్స్ ఒక్కడు సినిమాకు వస్తాయా లేవా అనేది ఇప్పుడు హాట్ టాపిక్ గా మారింది.

ఒక విధంగా ఖుషి సినిమా కంటే ఒక్కడు సినిమాలో హై వోల్టేజ్ యాక్షన్ సీన్స్ కూడా బలంగానే ఉన్నాయి. ఈ సినిమాకు కూడా మణిశర్మ అందించిన సంగీతం ఎంతగానో హెల్ప్ అయింది. అంతే కాకుండా అందులోనూ భూమిక హీరోయిన్ కావడం అలాగే లవ్ సీన్స్ కూడా ఎంతగానో ఆకట్టుకుంటాయి. కాబట్టి ఖుషి రేంజ్ లో ఒక్కడు బాక్సాఫీస్ ని బద్దలు కొట్టగలడా లేదా అనేది చూడాలి మరి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.