కెప్టెన్ మిల్లర్ ధనుష్.. లుక్ అదిరిందిగా!

కోలీవుడ్ టాలెంటెడ్ యాక్టర్ ధనుష్. ఈ వర్సటైల్ హీరో గురించి తెలుగు ప్రేక్షకులకు ప్రత్యేకంగా పరిచయం చేయాల్సిన అవసరం లేదు. రఘవరన్ బీటెక్ సినిమాతో తెలుగు సినీ ప్రేక్షకులకు ధనుష్ ఎంతగానో దగ్గరయ్యాడు. అతడు నటించిన చాలా సినిమాలు తెలుగులో కూడా డబ్ అయ్యాయి. ఒకేసారి ఒకటికి మించి సినిమాలు చేస్తూ బిజీ బిజీగా గడుపుతుంటారు ధనుష్. సార్ అనే మూవీతో తెలుగులో ఓ స్ట్రైట్ మూవీ చేస్తూనే మరోవైపు అరుణ్ మాథేశ్వరణ్ దర్శకత్వంలో కెప్టెన్ మిల్లర్ మూవీలో నటిస్తున్నాడు.

వీటితో పాటు టాలీవుడ్ కూల్ డైరెక్టర్ శేఖర్ కమ్ముల దర్శకత్వంలోనూ ధనుష్ ఓ సినిమాకి కమిట్ అయ్యాడు. త్వరలోనే ఆ సినిమా కూడా పట్టాలెక్కనుంది. ఇప్పటికే ఈ సినిమా పూజా కార్యక్రమాలు కూడా పూర్తయ్యాయి. శర్వానంద్ తో శ్రీకారం సినిమా తీసిన డైరెక్టర్ కిశోర్ డైరెక్షన్ లోనూ ధనుష్ నటించబోతున్నాడని ఫిల్మ్ నగర్ వర్గాలు చెబుతున్నాయి. శ్రీకారం సినిమా అంతగా ఆడకపోయినా కిశోర్ చెప్పిన కథ బాగా నచ్చడంతో ధనుష్ ఈ సినిమాకు ఓకే చెప్పినట్లు తెలుస్తోంది.

కెప్టెన్ మిల్లర్ సినిమాలో టాలీవుడ్ యంగ్ హీరో సందీప్ కిషన్ కూడా నటిస్తున్నాడు. అలాగే కన్నడ చిత్ర పరిశ్రమకు చెందిన సూపర్ స్టార్ శివ రాజ్ కుమార్ కూడా ఇందులో నటిస్తున్నాడు. కెప్టెన్ మిల్లర్ మూవీలో ధనుష్ కు అన్నయ్య పాత్ర పోషిస్తున్నాడు. ప్రియాంక మోహన్, నివేదిత సతీష్, జాన్ కొక్కెన్, మూర్ లాంటి వ్యక్తులు నటిస్తున్నారు. సత్యజ్యోతి ఫిలింస్ అత్యంత ప్రతిష్టాత్మకంగా కెప్టెన్ మిల్లర్ సినిమాను తెరకెక్కిస్తోంది. ఈ ప్రాజెక్టులో వివిధ భాషలకు చెందిన ప్రముఖ నటులు కీలక పాత్రలు పోషిస్తున్నారు.

అరుణ్ మాథేశ్వరణ్ రచించి, దర్శకత్వం వహిస్తున్న కెప్టెన్ మిల్లర్ 1980ల నాటి పీరియాడికల్ యాక్షన్ చిత్రం. ఈ చిత్రం 2023లో ప్రేక్షకుల ముందుకు రానుంది. ఈ సినిమాకు జీవీ ప్రకాష్ కుమార్ సంగీతం అందిస్తున్నారు.

ధనుష్ కెప్టెన్ మిల్లర్ పై అటు ఫ్యాన్స్ తో పాటు ఇటు సినీ అభిమానుల్లోనూ భారీ అంచనాలు ఉన్నాయి. ఈ క్రమంలోనే ధనుష్ న్యూ లుక్ ఫొటోను సినీ వర్గం అబిమానులతో పంచుకుంది. ఇందులో ధనుష్ పొడవైన జుట్టు, గడ్డం, మెడలో రుద్రాక్ష మాల.. నుదిటిన బొట్టు, తెలుపు రంగు చొక్కాతో చాలా అందంగా కనిపిస్తున్నాడు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.