రెడ్ క‌ల‌ర్ థీమ్ తో.. కెప్టెన్‌..!

విభిన్న‌మైన సినిమాల‌తో కోలీవుడ్ లో స్టార్ హీరోగా త‌న‌దైన మార్కుని సొంతం చేసుకున్నారు ధ‌నుష్‌. ఈ ఏడాది `అవెంజ‌ర్స్` సీరీస్ చిత్రాల‌ ద‌ర్శ‌కులు రూసో బ్ర‌ద‌ర్స్ రూపొందించిన `ది గ్రే మ్యాన్` మూవీతో మ‌రోసారి హాలీవుడ్ ప్రేక్ష‌కుల్ని ప‌ల‌క‌రించాడు. ఈ మూవీకి మిక్డ్స్ టాక్ ల‌భించ‌డంతో ధ‌నుష్ హాలీవుడ్ లో చేసిన మ‌లి ప్ర‌య‌త్నం కూడా వృధాగా మారింది. ఇదిలా వుంటే ఈ ఏడాది మ‌రో నాలుగు సినిమాల‌తో ధ‌నుష్ ప్రేక్ష‌కుల ముందుకు రాబోతున్నాడు.

ఇందులో తెలుగు, త‌మిళ భాష‌ల్లో రూపొందుతున్న బైలింగ్వ‌ల్ మూవీ `సార్‌` కాగా మ‌రో మూడు త‌మిళ చిత్రాలు. తిరు చిత్రాంబ‌ళం, సోద‌రుడు సెల్వ‌రాఘ‌వ‌న్ తో చేస్తున్న `నానే వ‌రువేన్‌`, మూడ‌వ‌ది `కెప్టెన్ మిల్ల‌ర్‌`. అరుణ్ మాథేశ్వ‌ర‌న్ ఈ చిత్రానికి ద‌ర్శ‌క‌త్వం వ‌హిస్తున్నారు. స‌త్య‌జ్యోతి ఫిలింస్ బ్యాన‌ర్ పై టి.జి. త్యాగ‌రాజ‌న్ స‌మ‌బ‌ర్ప‌ణ‌లో సెంథిల్ త్యాగ‌రాజ‌న్‌, అర్జున్ త్యాగ‌రాజ‌న్ ఈ మూవీని నిర్మిస్తున్నారు. జీవి ప్ర‌కాష్ కుమార్ సంగీతం అందిస్తున్న ఈ మూవీ మోష‌న్ పోస్ట‌ర్ ని మేక‌ర్స్ ఇటీవ‌ల విడుద‌ల చేశారు.

ధ‌నుష్ ముఖానికి స్కార్ఫ్ ధ‌రించి భుజానికి డ‌బుల్ బ్యారెల్ గ‌న్ తో మోట‌ర్ సైకిల్ పై ఛేజ్ చేస్తున్న మోష‌న్ పోస్ట‌ర్ విశేషంగా ఆక‌ట్టుకుంది. తాజాగా ఈ మూవీకి సంబంధించిన మ‌రో పోస్ట‌ర్ ని మేక‌ర్స్ విడుద‌ల చేశారు. గురువారం హీరో ధ‌నుష్ పుట్టిన రోజుని పుర‌స్క‌రించుకుని శుక్రవారం `కెప్టెన్ మిల్ల‌ర్` న్యూ థీమ్ పోస్ట‌ర్ ని విడుద‌ల చేశారు. రెడ్ క‌ల‌ర్ థీమ్ తో ధ‌నుష్ గ‌న్ ప‌ట్టుకుని షాడో త‌ర‌హా స్టిల్ తో విడుద‌ల చేసిన పోస్ట‌ర్ ప్ర‌స్తుతం నెట్టింట ధ‌నుష్ అభిమానుల్ని విశేషంగా ఆక‌ట్టుకుంటోంది.

1930 - 40 నేప‌థ్యంలో సాగే పీరియ‌డిక్ యాక్ష‌న్ డ్రామాగా ఈ మూవీని రూపొందిస్తున్నారు. 2023 స‌మ్మ‌ర్ లో ఈ మూవీని భారీ స్థాయిలో విడుద‌ల చేయాల‌ని ప్రొడ్యూస‌ర్స్ ప్లాన్ చేస్తున్నారు. ఇప్ప‌టికే ఫ‌స్ట్ లుక్ పోస్ట‌ర్ తో రిలీజ్ టైమ్ ని ప్ర‌క‌టించిన విష‌యం తెలిసిందే. ధ‌నుష్ న‌టిస్తున్న బైలింగ్వ‌ల్ మూవీ `సార్‌` టీజ‌ర్ ని ధ‌నుష్ పుట్టిన రోజు సంద‌ర్భంగా మేక‌ర్స్ విడుద‌ల చేసిన విష‌యం తెలిసిందే.

ఇందులో `భీమ్లా నాయ‌క్‌` ఫేమ్ సంయుక్త మీన‌న్ హీరోయిన్‌. వెంకీ అట్లూరి రూపొందిస్తున్న ఈ మూవీని సితార ఎంట‌ర్ టైన్ మెంట్స్‌, ఫార్చూన్ ఫోర్ సినిమాస్ బ్యాన‌ర్ ల‌పై సూర్య‌దేవ‌ర నాగ‌వంశీ, సాయి సౌజ‌న్య సంయుక్తంగా నిర్మిస్తున్నారు.