శ్రీ‌రెడ్డి దెబ్బ‌కు కోలీవుడ్ గ‌గ్గోలు..!

సినిమా ప‌రిశ్ర‌మ‌లో క్యాస్టింగ్ కౌచ్ పై ఓపెన్ గా గ‌ళం విప్పిన న‌టి శ్రీ‌రెడ్డి టాలీవుడ్‌ లో ఎంత సంచ‌ల‌నం చేసిందో మ‌ర్చిపోకూడ‌దు. ఈ మ‌ధ్య‌నే కోలీవుడ్ కు వెళ్లిన ఆమె.. త‌న మాట‌ల‌తో అక్క‌డ ప్ర‌కంప‌న‌లు సృష్టిస్తోంది. కోలీవుడ్ కు చెందిన ప‌లువురు ప్ర‌ముఖ‌ల‌పై క్యాస్టింగ్ కౌచ్ ఆరోప‌ణ‌లు చేసిన ఆమె జాబితాలో ప్ర‌ముఖ ద‌ర్శ‌కుడు మురుగ‌దాస్‌.. సుంద‌ర్ సి నుంచి న‌టుడు క‌మ్ ప్ర‌ముఖ కొరియోగ్రాఫ‌ర్ రాఘ‌వ లారెన్స్.. సినీ హీరో శ్రీ‌కాంత్ అలియాస్ శ్రీ‌రామ్ వ‌ర‌కూ ఆరోప‌ణ‌లు చేస్తూ క‌ల‌క‌లం రేపుతోంది.

ఆమె దెబ్బ‌కు కోలీవుడ్ గ‌గ్గోలు పెడుతోంది. వ‌రుస ఆరోప‌ణ‌ల‌తో ఉక్కిరిబిక్కిరి అవుతోన్న త‌మిళ సినీ ప్ర‌ముఖుల పుణ్య‌మా అని.. న‌డిగ‌ర్ సంఘం కార్య‌ద‌ర్శి విశాల్‌.. ట్రెజ‌ర‌ర్ కార్తీలు శ్రీ‌రెడ్డిని హెచ్చ‌రించినా ఆమె అస్స‌లు లెక్క చేయ‌టం లేదు. ప్ర‌స్తుతం చెన్నైలో మ‌కాం పెట్టిన ఆమె ఎప్పుడు ఎవ‌రి మీద ఎలాంటి స్టేట్ మెంట్లు ఇస్తుంద‌న్న‌ది అర్థం కాన‌ట్లుగా మారింది.

ఇదిలా ఉంటే న‌టుడు వారాహి తాజాగా చెన్నై పోలీస్ క‌మిష‌న‌ర్ కార్యాల‌యానికి వెళ్లారు. శ్రీ‌రెడ్డి మీద ఫిర్యాదు చేశారు. క్యాస్టింగ్ కౌచ్ పేరుతో సినీ ప్ర‌ముఖుల‌ను బెదిరించి డ‌బ్బు చేసుకుంటుంద‌ని.. ఇప్ప‌టికే టాలీవుడ్ లో ప‌లువురు ప్ర‌ముఖుల నుంచి డ‌బ్బు వ‌సూలు చేసింద‌ని పేర్కొన్నారు. ప్ర‌స్తుతం ఆమె దృష్టి కోలీవుడ్ మీద ప‌డింద‌న్న ఆయ‌న‌.. శ్రీ‌రెడ్డి చేసిన ఆరోప‌ణ‌ల‌కు ఆధారాలు ఉన్నాయా? అని ప్ర‌శ్నిస్తున్నారు.

ఇదిలా ఉంటే మ‌రోవైపు శ్రీ‌రెడ్డిపై సీనియ‌ర్.. జూనియ‌ర్ అన్న తేడా లేకుండా ప్ర‌తి ఒక్క‌రూ ఆగ్ర‌హాన్ని వ్య‌క్తం చేస్తున్నారు. సీనియ‌ర్ న‌టీమ‌ణులు రియాక్ట్ అవుతూ న‌టీమ‌ణుల అత్యాచారాల‌ను బ‌హిరంగ ప‌ర్చ‌టం స‌రికాద‌న్నారు. క్యాస్టింగ్ కౌచ్ పేరుతో ర‌చ్చ చేయ‌టం వ‌ల్ల ఎలాంటి ప్ర‌యోజ‌నం ఉండ‌ద‌న్న కొంద‌రు వ‌ర్థ‌మాన న‌టీమ‌ణులు శ్రీ‌రెడ్డి పేరు చెప్పినంత‌నే విరుచుకుప‌డుతున్నారు.