ధోని సినిమాలో కాస్టింగ్ ఫిక్స్..!

ఎమ్మెస్ ధోని ఎంటర్టైన్ మెంట్ రంగంలోకి అడుగుపెడుతున్నారు. సొంత ప్రొడక్షన్ హౌజ్ ఏర్పాటు చేస్తున్నట్టుగా కొన్నాళ్లగా వార్తలు రాగా ఫైనల్ గా ఆయన ధోని ఎంటర్టైన్ మెంట్స్ అనే ప్రొడక్షన్ ని ఎనౌన్స్ చేశారు. ధోని భార్య సాక్షి ఈ ప్రొడక్షన్ కి సంబంధించిన విషయాలను చూసుకుంటుందని తెలుస్తుంది. ధోని ప్రొడక్షన్ లో మొదటి సినిమా కూడా రెడీ చేస్తున్నారు. తమిళంలో ధోని తన మొదటి సినిమా చేయాలని ఫిక్స్ అయ్యారు. ధోని నిర్మాతగా రమేష్ తమిళమణి దర్శకత్వంలో సినిమా వస్తుంది.

ఈ సినిమాలో లీడ్ కాస్టింగ్ ని ఫైనల్ చేశారు. కోలీవుడ్ యువ హీరో హరీశ్ కళ్యాణ్, ప్రియాంక అరుల్ మోహన్ సినిమాలో నటించనున్నారు. యువ హీరోగా హరీశ్ కళ్యాణ్ తన జోరు కొనసాగిస్తున్నారు. కేవలం తమిళంలోనే కాదు తెలుగులో కూడా 3 సినిమాలు చేశాడు హరీశ్ కళ్యాణ్.

తెలుగులో అతను జై శ్రీరాం, కాదలి, జెర్సీ సినిమాల్లో నటించారు. సోలో హీరోగానే కాదు సినిమాల్లో ఏ చిన్న పాత్ర అయినా సరే చేస్తూ వస్తున్న హరీశ్ శంకర్ కి ధోని ప్రొడక్షన్ లో ఛాన్స్ రావడం గొప్ప విషయమని చెప్పొచ్చు. ఇక ఈ మూవీలో కోలీవుడ్ యంగ్ హీరోయిన్ ప్రియాంక అరుల్ మోహన్ హీరోయిన్ గా ఫిక్స్ అయ్యింది.

ప్రియాంకా కూడా తమిళంలో వరుస సినిమాలతో సూపర్ ఫాం లో ఉంది. అమ్మడు చేస్తున్న సినిమాలు బాక్సాఫీస్ దగ్గర కూడా మంచి ఫలితాలు ఇస్తున్నాయి. అందుకే కావాలని మరి ప్రియాంకాకి ఈ ప్రాజెక్ట్ కి తీసుకుంటున్నారు. తమిళంలో యువ కథానాయికల్లో ప్రియాంక ఫుల్ బిజీగా ఉందని చెప్పొచ్చు.

ధోని ప్రొడక్షన్ లో ఫస్ట్ సినిమాకే అమ్మడికి లక్కీ ఛాన్స్ లభించిందని చెప్పొచ్చు. ఈ సినిమా కేవలం తమిళంలోనే కాకుండా పాన్ ఇండియా రిలీజ్ ప్లాన్ చేస్తున్నారట. ఈ మూవీలో ఇతర నటీనటులు కూడా స్టార్ క్రేజ్ ఉన్న వారే చేస్తున్నారని తెలుస్తుంది. మొత్తానికి ధోని నిర్మాతగా తొలి అడుగు వేస్తున్న టైం లో ఆయన ఫ్యాన్స్ అంతా ధోనికి ప్రత్యేక విషెస్ అందిస్తున్నారు. క్రీజ్ లో అదరగొట్టినట్టే నిర్మాతగా బాక్సాఫీస్ పై తన ప్రతాపం చూపించాలని కామెంట్స్ చేస్తున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.