కవలల హీరోయిన్లు కొట్టుకుంటున్నారు

అందాల భామలు పైకి కలిసి ఉన్నట్లే కనిపించినా.. లోలోపల ఏదో ఒక గొడవ ఉంటూనే ఉంటుందని అంటారు. రెండు కొప్పులు ఒక చోట కలిసుండవ్ అనే సామెతకు తగిన ఉదాహరణలు చాలానే కనిపిస్తాయ్. ఈ మధ్యన ప్రొఫెషనలిజం బాగా పెరిగిపోయి.. ఎవరి పని వారు చేసుకోవడం అనే కల్చర్ ఊపందుకున్నాక.. ఇలాంటివి బాగా తగ్గిపోయాయనే చెప్పాలి.

కానీ ప్రస్తుతం బాలీవుడ్ లో ఓ ఇద్దరి భామల మధ్య ఇలాంటి గొడవే కంటిన్యూ అవుతోందట. కనీసం మొహమొహాలు చూసుకునేందుకు ఇష్టపడ్డం లేదని తెలుస్తోంది. నాగార్జున బ్లాక్ బస్టర్ హలో బ్రదర్ ను హిందీలో జుడ్వా పేరుతో రీమేక్ చేయగా.. ఇప్పుడు దానికి సీక్వెల్ ను తెరకెక్కిస్తున్నారు. వరుణ్ ధావన్ హీరోగా నటిస్తున్న ఈ సినిమాలో జాక్వెలిన్ ఫెర్నాండెజ్.. తాప్సీ పన్ను హీరోయిన్స్ గా నటిస్తున్నారు. ఇప్పుడు వీళ్లిద్దరికీ అస్సలు పొసగడం లేదట. ఇప్పటికే కొన్నిసార్లు సెట్స్ లోనే మాటామాటా అనుకున్నారని కూడా అంటున్నారు. ప్రస్తుతం ఒకరితో కలిసి మరొకరు షూటింగ్ కూడా చేయడం లేదట.

లండన్ లో జుడ్వా2 షూటింగ్ జరుగుతుండగా.. ఇక్కడ జాక్వెలిన్ 25 రోజులు.. తాప్సీ 15 రోజులు షూటింగ్ చేయాల్సి ఉంది. హీరోయిన్ల అభ్యర్ధన మేరకు.. రెండిటినీ వేర్వేరుగా ప్లాన్ చేశారు. రెండు రోజులు మాత్రం కలిపి షూటింగ్ తీయాల్సి ఉండగా.. జాక్వెలిన్ వచ్చినా.. తాప్సీ జంప్ అయిపోయిందట. ఇద్దరితోను మంచి సాన్నిహిత్యం ఉన్న హీరో వరుణ్ ధావన్.. ఈ విషయంలో తల దూర్చడం లేదని తెలుస్తోంది. మొత్తానికి ఈ హీరోయిన్ల క్యాట్ ఫైట్.. బాలీవుడ్ లో హాట్ టాపిక్ అవుతోంది. అసలు వీళ్లిద్దరి మధ్య వివాదానికి కారణం ఏంటనే విషయం మాత్రం ఎవరికీ తెలియలేదు.

Like Us on Facebook : https://www.facebook.com/Tupakidotcom/