లారెన్స్ ఐటెం కాదు.. ప్రభుదేవ హీరోయిన్

సరైనోడు మూవీతో బ్లాక్ బస్టర్ సాధించిన కేథరిన్ థ్రెసా పేరు.. నిజానికి ఈ పాటికి టాలీవుడ్ లో మార్మోగిపోతూ ఉండాలి. మెగాస్టార్ చిరంజీవి కం బ్యాక్ మూవీ ఖైదీ నంబర్ 150లో.. 'రత్తాలు రత్తాలు' ఐటెం సాంగ్ కోసం మొదట ఈమెనే ఎంపిక చేశారు. కానీ కొన్ని పరిస్థితుల కారణంగా.. ఈమెను తప్పించడంతో ఆ లక్కీ ఛాన్స్ రాయ్ లక్ష్మీ చేతికి వెళ్లిపోయింది.

దర్శకుడిగా అప్ గ్రేడ్ అయిన డ్యాన్స్ మాస్టర్ రాఘవ లారెన్స్.. ఈ రత్తాలు రత్తాలు పాటకు స్టెప్స్ కంపోజ్ చేశాడు. అలా లారెన్స్ కంపోజింగ్ లో ఐటెం సాంగ్ ఛాన్స్ మిస్ అయిన కేథరిన్.. ఇప్పుడు ఇండియన్ మైకేల్ జాక్సన్ గా పేరొందిన ప్రభుదేవా పక్కన హీరోయిన్ గా ఫైనల్ కావడం విశేషం. బాలీవుడ్ లో వరుసగా సినిమాలు చేసిన ప్రభుదేవా.. రీసెంట్ గా అభినేత్రి(తమిళ్ లో డెవిల్) చిత్రంతో కోలీవుడ్ రీ ఎంట్రీ ఇచ్చాడు. ఇప్పుడు ప్రభుదేవాతో అర్జున్ అనే కొత్త దర్శకుడు ఓ మూవీ ప్లాన్ చేశాడు.

ఇందులో హీరోయిన్ గా కేథరిన్ ను ఎంపిక చేయడం హాట్ టాపిక్ అవుతోంది. ఈ చిత్రానికి యంగ్ మంగ్ సంగ్ అనే పేరును పరిశీలిస్తుండగా.. టాలీవుడ్ లో మెగాస్టార్ పక్కన నర్తించే అవకాశాన్ని పోగొట్టుకున్న కేథరిన్.. ఇప్పుడు ప్రభుదేవాతో డ్యాన్సులు వేసేందుకు ఎంపిక కావడం విశేషం.

Like Us on Facebook : https://www.facebook.com/Tupakidotcom/