కొత్త పోస్ట‌ర్‌: కేథ‌రిన్ తో కార్మికుడి ల‌వ్వా?

రౌడీ దేవ‌ర‌కొండ న‌టిస్తున్న తాజా చిత్రం `వ‌ర‌ల్డ్ ఫేమ‌స్ ల‌వ‌ర్‌` ప్రేమికుల రోజు కానుక‌గా ఫిబ్ర‌వ‌రి 14న రిలీజ్ కి సిద్ధ‌మ‌వుతున్న సంగ‌తి తెలిసిందే. ఈ సినిమా ప్ర‌చారాన్ని కొత్త పంథాలో సాగిస్తూ వేడెక్కిస్తోంది టీమ్. ఇప్ప‌టికే ఈ సినిమాకి సంబంధించిన ఒక్కో పోస్ట‌ర్ ను డే బై డే రిలీజ్ చేస్తూ ప్ర‌చారానికి తెర లేపారు.

ఈ చిత్రం నుంచి ఇప్ప‌టికే ఐశ్వ‌ర్యారాజేష్ లుక్ ని.. ఫ్రెంచి గాళ్ ఫ్రెండ్ ఇజ‌బెల్లా లుక్ ల‌ను రివీల్ చేశారు. ఐశ్వ‌ర్యారాజేష్ ఈ చిత్రంలో విజ‌య్ దేవ‌ర‌కొండ‌కు భార్య‌గా న‌టిస్తుండ‌గా ఇజ‌బెల్లా విదేశీ గాళ్ ఫ్రెండ్ గా న‌టిస్తోంది. విజ‌య్ ఈ చిత్రంలో ఒక ర‌కంగా చెంగీజ్ ఖాన్ త‌ర‌హా పాత్ర‌లో క‌నిపించ‌బోతున్నాడు. ప్ర‌పంచ‌వ్యాప్తంగా సంచ‌రిస్తూ అమ్మాయిల‌కు ప్రేమ వ‌ల‌లు వేసే వ‌ర‌ల్డ్ ఫేమ‌స్ ల‌వ‌ర్ గా క‌నిపించ‌నున్నాడు.

ఐశ్వ‌ర్య రాజేష్ తో రొమాన్స్ పోస్ట‌ర్.. ఫ్రెంచి గాళ్ తో రొమాన్స్ పోస్ట‌ర్ ఇప్ప‌టికే వేడెక్కిస్తున్నాయి. తాజాగా మ‌రో ప్రేమికురాలితో స‌ర‌సాన్ని రివీల్ చేసింది చిత్ర‌బృందం. ఈసారి ఖాకీ డ్రెస్ తొడిగి చేత్తో వైట్ సేఫ్టీ హెల్మెట్ ప‌ట్టుకుని ప్ర‌త్య‌క్ష‌మైన విజ‌య్ ని చూస్తుంటే అత‌డు ఓ ఫ్యాక్ట‌రీ కార్మికుడిగానూ క‌నిపించ‌నున్నాడ‌ని అర్థ‌మ‌వుతోంది. ఒక కార్మికుడు మోడ్ర‌న్ గాళ్ కేథ‌రిన్ తో రొమాన్స్ చేయ‌డం అన్న‌ది ఆస‌క్తిక‌రం. బ్లూ డెనిమ్స్ ష‌ర్ట్- బ్లాక్ జీన్స్ లో కేథ‌రిన్ అల్ట్రా మోడ్ర‌న్ సిటీ గాళ్ లుక్ తో అద‌ర‌గొట్టింది. ఇక‌పై రాశిఖన్నా లుక్‌ రిలీజ్ కానుంది. రాశీతో విజ‌య్ రొమాన్స్ ఏ రేంజులో ఉండ‌నుంది? అన్న‌ది చూడాలి. జ‌న‌వ‌రి 3న వ‌ర‌ల్డ్ ఫేమ‌స్ ల‌వ‌ర్ టీజ‌ర్‌ విడుద‌ల కానుంది. క్రాంతిమాధ‌వ్ ద‌ర్శ‌కత్వం వ‌హిస్తున్న ఈ చిత్రాన్ని సీనియ‌ర్ నిర్మాత కె.ఎస్‌. రామారావు స‌మ‌ర్ప‌ణ‌లో కె.ఎ. వ‌ల్ల‌భ నిర్మిస్తున్నారు. గోపీసుంద‌ర్ సంగీతం.. జ‌య‌కృష్ణ గుమ్మ‌డి ఫొటోగ్ర‌ఫీ అందిస్తున్నారు.