మత్తుకళ్ల సుందరి మనసు పెట్టడం లేదా?

కేథరిన్ .. అందం అంటే ఇలా ఉంటుందనిపించే పేరు .. ఆకర్షణ అంటే ఇలాగే ఉంటుందనిపించే రూపం. కేథరిన్ అందమంతా ఆమె కళ్లలోనే ఉంటుంది. ఆమె ఒకసారి కొంటె చూపు విసిరిందంటే చాలు . ఆ ట్రిప్పుకు కోటి మంది మనసులు పోగొట్టుకుంటారు. ఆ కళ్లు అంత మత్తుగా ఉంటాయి .. ఆ చూపులు అంత గమ్మత్తుగా ఉంటాయి. పాలరాతి శిల్పం లాంటి ఈ పిల్లను చూస్తే, ఇటు కాళిదాసుకో ... అటు రవివర్మకో బంధువులైపోవడం ఖాయం. మరి ఇంత అందంగా ఉన్న అమ్మాయికి అవకాశాలు పుష్కలంగా ఉండాలి కదా అంటే .. సమాధానం మాత్రం దొరకదు.

కేథరిన్ తెలుగుతో పాటు తమిళ .. మలయాళ .. కన్నడ సినిమాలు చేస్తోంది. కానీ ఎక్కడా కుదురుకోదు .. స్టార్ డమ్ కి చేరుకోదు. అలా ఒక్కో భాషల్లో ఒక్కో సినిమాను పలకరించి వెళుతున్నట్టుగా ఉంటుంది. ఒక్కమాటలో చెప్పాలంటే చుట్టపు చూపుగా వచ్చి వెళుతున్నట్టుగా అనిపిస్తుంది. ఒక భాషలో నిలబడలేదంటే, పరిస్థితులు కలిసిరాలేదని అనుకోవాలి. కానీ ఎక్కడా సెట్ కావడం లేదంటే శ్రద్ధ పెట్టడం లేదని చెప్పుకోవాలి. ఆమె అభిమానులు కూడా ఇదే అభిప్రాయాన్ని వ్యక్తం చేస్తున్నారు.

తెలుగులో 'సరైనోడు' .. 'నేనే రాజు నేనే మంత్రి' ఆమె చేసిన సినిమాల్లో చెప్పుకోదగినవిగా కనిపిస్తాయి. ఇక 'జయ జానకి నాయక'లో ఐటమ్ సాంగులో అదరగొట్టేసిన ఈ సుందరి, ఇక ఈ రూట్లో రెచ్చిపోతుందని అభిమానులు భావించారు. కానీ ఆమె ఆ రూట్లో కూడా ఎవరికి ఎదురుపడటం లేదు. ప్రస్తుతం ఆమె తెలుగులో శ్రీవిష్ణు జోడీగా 'భళా తందనాన' మాత్రమే చేస్తోంది. ఆ తరువాత కూడా ఎక్కడా ఎలాంటి హడావిడిగానీ .. సందడిగాని కనిపించడం లేదు. గ్లామర్ ఉండగానే కొత్త అవకాశాలను కనుక్కోవాలి .. ఓ నాలుగు ఫ్లాట్లు కొనుక్కోవాలి అని ఈ పిల్లకు ఎవరు చెబుతారో ఏంటో!