దేవరకొండ సినిమాలో ఫోర్త్ హీరోయిన్ ఫిక్స్

టాలీవుడ్ సెన్సేషన్ విజయ్ దేవరకొండ ప్రస్తుతం 'డియర్ కామ్రేడ్' సినిమాలో నటిస్తున్నాడు. ఈ సినిమా తర్వాత విజయ్ క్రాంతి మాధవ్ దర్శకత్వంలో నటించనున్నాడు. ఈ సినిమాలో విజయ్ దేవరకొండ నలుగురు హీరోయిన్లతో ఆడిపాడతాడని సమాచారం. ఇప్పటికే ముగ్గురు హీరోయిన్లను లాక్ చేసిన ఫిలిం మేకర్స్ నాలుగు హీరోయిన్ ను కూడా ఫైనలైజ్ చేశారు.

బ్యూటిఫుల్ కేథరిన్ ట్రెసా కు ఈ అవకాశం లభించడం విశేషం. ఈమధ్య తెలుగులో పెద్దగా అవకశాలు లేని కేథరిన్ కు ఇది క్రేజీ ఆఫర్ అనడంలో సందేహం లేదు. ఇప్పటికే ఈ సినిమాలో హీరోయిన్లుగా రాశి ఖన్నా.. ఐశ్వర్య రాజేష్.. ఇసబెల్ ను తీసుకున్నారు. ఈ సినిమా షూట్ ఇప్పటికే ప్రారంభం అయిందని.. ఈ వారంలో కేథరిన్ కూడా ఫిలిం యూనిట్ తో జాయిన్ అవుతుందని సమాచారం.

విజయ్ దేవరకొండ ఇలా నలుగురు హీరోయిన్లతో రొమాన్స్ చేయడం తన కెరీర్లో మొదటిసారి. ఈ సినిమా రిలీజ్ తర్వాత రౌడీ హీరో కాస్తా రోమియోహీరోగా పేరుతెచ్చుకుంటాడేమో వేచి చూడాలి. గోపీసుందర్ సంగీతం అందిస్తున్న ఈ సినిమాను క్రియేటివ్ కమర్షియల్స్ బ్యానర్ పై కేఎ వల్లభ నిర్మిస్తున్నారు. కేఎస్ రామారావు ఈ సినిమాకు సమర్పకుడు. ఈ సినిమాను దసరా బరిలోకి దించాలని నిర్మాతలు ప్లాన్ చేస్తున్నారట.