తమిళ అత్తారింట్లో సరైన ఎంఎల్ ఎ

పవన్ కళ్యాణ్ - త్రివిక్రమ్ కాంబినేషన్ లో తెరకెక్కిన 'అత్తారింటికి దారేది' ఇండస్ట్రీ హిట్ గా నిలవడమే కాదు ఫ్యామిలీ ఎంటర్టైనర్స్ లో ఒక క్లాసిక్ ఫిలింలా నిలించింది. 2013 లో రిలీజ్ అయిన ఈ సినిమా ఐదేళ్ళ తర్వాత తమిళంలోకి రీమేక్ అవుతోంది. లైకా ప్రొడక్షన్స్ వారు ఈ సినిమాను శింబు హీరోగా నిర్మిస్తున్నారు.

ఈ సినిమాకు C. సుందర్ దర్శకుడు. ప్రీప్రొడక్షన్ జోరుగా సాగుతున్న ఈ సినిమాకు నటీనటులను టెక్నిషియన్స్ ను ఎంపిక చేయడంలో దర్శకుడు ఇప్పుడు బిజీగా ఉన్నాడట. ఈ సినిమాలో సమంతా పోషించిన మెయిన్ హీరోయిన్ పాత్రకు మేఘా ఆకాష్ ను ఎంపిక చేశారట. నితిన్ హీరోగా తెరకెక్కిన 'లై'.. 'చల్ మోహన్ రంగా' సినిమాలలో మేఘా హీరోయిన్ గా నటించిన సంగతి తెలిసిందే. ఇక సెకండ్ హీరోయిన్ గా క్యాథరిన్ ట్రెసాను ఎంపిక చేశారని కోలీవుడ్ టాక్. తెలుగులో ప్రణీత పోషించిన పవన్ మరదలు రోల్ అన్నమాట.

'సరైనోడు' సినిమాలో హాట్ ఎంఎల్ ఎ గా నటించి తెలుగువారిని మెప్పించిన క్యాథరిన్ ఇప్పుడు శింబుతో అచ్చిక బుచ్చికలాడి తమిళ ప్రేక్షకులను బుట్టలో పడేస్తుందేమో. తెలుగులో అంటే పవన్ 'బాపుగారి బొమ్మో' అనే పాటేసుకున్నాడు.. అక్కడ బాపు బొమ్మ నేటివిటీ కాదు కాబట్టి 'తమిళ సెల్వి' అంటూ శింబు రెచ్చిపోతాడేమో.