చిరుని మిస్సయ్యింది.. గోపీయే దిక్కు

క్యాథరీన్ త్రెసా. ఒకానొక టైములో దాదాపు టాప్ హీరోలందరి సినిమాల్లోనూ ఈ పిల్లే హీరోయిన్ అనే పేరు వినిపించింది. అప్పట్లో బ్యాక్ టు బ్యాక్ పైసా.. ఇద్దరమ్మాయిలతో వంటి సినిమాలతో కనిపించడంతో.. ఇక రాబోయే సూపర్ స్టార్లెట్ అనే తరహాలో అమ్మడి హవా కొనసాగింది. కాని పెద్ద పెద్ద ఛాన్సులు వచ్చినా కూడా.. సరైనోడు వంటి బ్లాక్ బస్టర్లలో చేసినా కూడా.. అమ్మడు మాత్రం నాకు నటనపరంగా శాటిస్ఫాక్షన్ లేదు అంటూ తమిళంవైపు తొంగి చూసిందిలే.

ఇకపోతే తెలుగులో ఏకంగా ఖైదీ నెం 150 వంటి సినిమాలో ఐటెం సాంగ్ చేయడానికి కూడా ఒప్పేసుకుంది. అప్పటికే తన గ్లామర్ ను ప్రతీసారీ ఓ రేంజులో ఆరబోసిన ఈ మల్లూ ఎన్నారై.. చిరంజీవి ప్రక్కన సాంగ్ అంటే కొత్త రేంజుకు వెళ్తుందని అనుకున్నారు సినీ లవర్స్. కాని క్యాథరీన్ ఆ ఛాన్స్ మిస్సయ్యంది. ఇప్పుడు గోపిచంద్ హీరోగా సంపత్ నంది డైరక్షన్లో రూపొందుతున్న ''గౌతమ్ నంద'' సినిమాలో సెకండ్ హీరోయిన్ గా నటిస్తోంది. ఈ సినిమా స్పెషల్ పోస్టర్లో అమ్మడు ఆఫ్‌-షోల్డర్ డ్రస్సులో కవ్విద్దాం అని బయలుదేరిందిలే. మరి చిరంజీవితో మిస్సయిన ఛాన్సు కారణంగా చాలా కోల్పోయిన క్యాథరీన్.. గోపిచంద్ తో కలసి పట్టేస్తుందా?

ఏదేమైనా కూడా గౌతమ్ నంద సినిమా.. గోపిచంద్ కు.. హన్సికకు.. క్యాథరీన్ కు బ్రేకివ్వాలి. అంతేకాదు.. సంపత్ నంది కూడా బెంగాళ్‌ టైగర్ వంటి రొటీన్ సినిమాలనే కాదు.. కాస్త వైవిధ్యంగా కొత్తవి చేయగలడు అన్నట్లు టాక్ రావాలి. చూద్దం ఏమవుతుందో.

Like Us on Facebook : https://www.facebook.com/Tupakidotcom/