ఈ భామకి తెలుగోళ్లు ఇవ్వడం లేదట

కేథరిన్ థ్రెసా.. తెలుగు సినిమాల్లో వరుసగా నటిస్తున్నా స్టార్ హీరోయిన్ అని మాత్రం అనిపించుకోలేక పోయింది ఈ మలయాళీ ముద్దుగుమ్మ. అయితే తమిళ్ లో మాత్రం వరుసగా భారీ ఆఫర్స్ తో దూసుకుపోతోంది. టాలీవుడ్ లో మాత్రం సెకండ్ హీరోయిన్ రోల్స్ కే పరిమితం కావాల్సి వస్తోంది.

స్టైలిష్ స్టార్ అల్లు అర్జున్ తో కేథరిన్ జత కట్టిన రెండో సినిమా సరైనోడు. మొదట ఇద్దరమ్మాయిలతో మూవీలో వీరి కాంబినేషన్ - కెమిస్ట్రీ బాగానే ఉండాయి. ఇప్పుడు మాత్రం సరైనోడు మూవీలో ఎమ్మెల్యేగా నటిస్తోంది కేథరిన్. రియల్ లైఫ్ లో ఓటు హక్కు లేదు కానీ.. పొలిటికల్ లీడర్ యాక్ట్ చేసే అవకాశం వచ్చిందంటూ.. తనపై తనే జోక్ వేసేసుకుంటోందీ హీరోయిన్.

తెలుగులో మెయిన్ హీరోయిన్ ఆఫర్స్ రావడం లేదా అంటే మాత్రం.. అసలు మెయిన్ - లీడ్ - సెకండ్ లాంటివసలు పట్టించుకోనన్న కేథరిన్ థ్రెసా.. తన రోల్ నచ్చితేనే చేస్తానని తేల్చేసింది. అసలు టాలీవుడ్ దర్శకులు - నిర్మాతలు తనకు ఆఫర్ చేస్తున్న ఏ మాత్రం ఎగ్జయిట్ కలిగించలేకపోతున్నాయట. తమిళ్ లో మంచి పాత్రలు వస్తుండడంతో అక్కడే ఎక్కువగా నటిస్తున్నానని చెప్పిందీ మలయాళీ ముద్దుగుమ్మ.