కేథ‌రిన్‌ తో గోపీచంద్‌

ఈసారి త‌న‌కి స‌రైనోడు గోపీచందే అంటోంది మ‌ల‌యాళ బ్యూటీ కేథ‌రిన్‌. బ‌న్నీతో క‌లిసి చేసిన `స‌రైనోడు`లో యంగ్ ఎమ్మెల్యేగా ఆక‌ట్టుకొన్న ఆమె టాలీవుడ్ నుంచి మ‌రో క్రేజీ ఆఫ‌ర్ అందుకొంది. ఈసారి గోపీచంద్‌ తో క‌లిసి న‌టించ‌బోతోంది. గోపీ క‌థానాయ‌కుడిగా సంప‌త్ నంది ద‌ర్శ‌క‌త్వంలో ఓ చిత్రం తెర‌కెక్క‌నున్న విష‌యం తెలిసిందే. జె.భ‌గ‌వాన్‌ - జె.పుల్లారావు నిర్మించ‌నున్న ఆ చిత్రం త్వ‌ర‌లోనే ప‌ట్టాలెక్క‌బోతోంది. ప‌క్కా యాక్ష‌న్ ఎంట‌ర్‌ టైన‌ర్‌ గా తెర‌కెక్క‌నున్న ఆ సినిమాపై గోపీ చాలా ఆశ‌లు పెట్టుకొన్నాడు. అందుకే శ్రీవాస్‌ తో చేయాల్సిన సినిమాని కూడా ప‌క్క‌న‌పెట్టి సంప‌త్ నంది క‌థ‌కి ఓకే చెప్పేశాడు.

ప్ర‌స్తుతం ఆక్సిజ‌న్‌ లో న‌టిస్తున్న గోపీచంద్ ఆ చిత్రం పూర్త‌వ్వ‌గానే నేరుగా సంప‌త్ నంది సినిమా సెట్లోకే అడుగుపెట్ట‌బోతున్నాడు. ఈ సినిమా యూనిట్ కూడా చాలా ఫాస్ట్‌ గా ఉంది. ఇప్ప‌టికే హీరోయిన్‌ ని కూడా ఎంపిక చేసిన‌ట్టు తెలుస్తోంది. కేథ‌రిన్ అయితే బాగుంటుంద‌ని ద‌ర్శ‌కుడు చెప్ప‌డం, హీరో - నిర్మాత‌లు ఒప్పుకోవ‌డం, వెంట‌నే కేథ‌రిన్‌ ని సంప్ర‌దించం - ఆమె కూడా ఒప్పుకోవ‌డం చ‌క‌చ‌క జ‌రిగిపోయాయి. ఇక కొబ్బ‌రికాయ కొట్ట‌డ‌మే ఆల‌స్య‌మ‌న్న‌మాట‌. అన్న‌ట్టు సంప‌త్ నంది ఓ మెగా హీరోకోసం త‌యారు చేసుకొన్న క‌థ‌తోనే ఈ చిత్రాన్ని తెర‌కెక్కిస్తున్న‌ట్టు ఇండ‌స్ట్రీ వ‌ర్గాలు మాట్లాడుకొంటున్నాయి.