ఫొటో టాక్‌ : చివరకు క్యాథరీన్‌ కూడా వచ్చేసింది

మహమ్మారి వైరస్‌ కారణంగా దాదాపు మూడు నెలలుగా షూటింగ్స్‌ పూర్తిగా నిలిచి పోయాయి. నటీ నటులు.. మోడల్స్‌ ఇలా ఎంతో మంది కూడా షూటింగ్స్‌ లేక ఇంట్లోనే ఖాళీగా ఉంటున్నారు. ఈసమయంలో చాలా మంది వంటింట్లో కొత్త వంటకాలు ప్రయత్నిస్తూ ఉన్నామంటూ నెట్టింట పొటోలు షేర్‌ చేస్తున్నారు. గత కొన్ని రోజులుగా సోషల్‌ మీడియాలో ఈ ఫొటోలు కుప్పలు తెప్పలుగా వస్తూనే ఉన్నాయి. బాలీవుడ్‌.. టాలీవుడ్‌.. కోలీవుడ్‌ ఇలా అన్ని భాషల సెలబ్రెటీలు సోషల్‌ మీడియాలో వంటల వీడియోలు.. ఫొటోలు షేర్‌ చేస్తూ వస్తున్నారు. తాజాగా కేథరిన్‌ తెర్సా కూడా వంటిల్లు ఫొటోతో నెట్టింట ప్రత్యక్షం అయ్యింది.

విజిటబుల్‌ సలాడ్‌ టబోలే తయారు చేస్తున్న ఫొటోలను షేర్‌ చేసింది. పలు రకాల కూరగాయలతో దీన్ని తయారు చేస్తారు. క్యాథరిన్‌ ప్రత్యేకమైన విజిటబుల్‌ సలాడ్‌ చేసింది. కూరగాయలను కట్‌ చేసేందుకు ఈమె రెండు పదునైన కత్తులను వాడినది. కత్తి చాలా పదునుగా ఉండటంతో చాలా జాగ్రత్తగా ఇలా సలాడ్‌ కోసం విజిటబుల్స్‌ ను కట్‌ చేస్తున్నాను అంటూ కేథరిన్‌ పోస్ట్‌ చేసింది. మొత్తానికి ఎంతో మంది స్టార్స్‌ మాదిరిగానే కేథరిన్‌ కూడా తన కిచెన్‌ ఫొటో పెట్టి నెట్టింట వైరల్‌ అయ్యింది.

హీరోయిన్‌ గా పెద్దగా ఆఫర్లు లేకున్నా కూడా మోడలింగ్‌ లేదా వెబ్‌ సిరీస్‌ లతో బిజీ బిజీగానే గడుపుతూ ఉండేది. కాని ఈ వైరస్‌ కారణంగా ఆమె ఇలా ఇంటికే పరిమితం అయ్యి వంటల్లో నిమగ్నం అయ్యింది. తన ఆల్‌ టైం ఫేవరెట్‌ వెజిటబుల్‌ సలాడ్‌ ను సొంతంగా తయారు చేసుకుంటూ నెట్టింట పోస్ట్‌ చేసింది. ఈమె నిజంగా వంట చేస్తుందా లేదంటే ఫొటోలకు ఫోజ్‌ ఇచ్చిందా అంటూ కొందరు కామెంట్స్‌ పెడుతున్నారు.