క్యాథరిన్ స్టెప్పులు మెగా హీరో కోసమా?

అవకాశాలు తక్కువగా వచ్చినా కొందరి బ్యూటీల రేంజ్ ఏ మాత్రం తగ్గదనే చెప్పాలి. నటించింది కొన్ని సినిమాల్లోనే అయినా హాట్ బ్యూటీలను చూస్తే ఇట్టే గుర్తు పట్టేస్తారు. అలాంటి బ్యూటీల్లో క్యాథరిన్ ట్రెసా ఒకరు. పైసా సినిమాతో టాలీవుడ్ కి ఎంట్రీ ఇచ్చిన ఈ బ్యూటీ గ్లామర్ రోల్స్ లో బాగానే నటించింది గాని పెద్దగా ఆఫర్స్ అందలేదు. వచ్చిన సినిమాలు కూడా అన్ని హిట్ అవ్వలేదు. ఒక్క సరైనోడు మాత్రం అమ్మడికి స్పెషల్ నేమ్ తెచ్చిపెట్టింది.

ఆ సినిమా ఏ స్థాయిలో విజయాన్ని అందుకుందో అందరికి తెలిసిందే. ఎమ్మెల్యే గా ఆమె చేసిన పాత్రకి మంచి పేరు వచ్చింది. ఇక ఆ తరువాత మెగాస్టార్ చిరంజీవి 150 లో ఐటెమ్ సాంగ్ లో ఆఫర్ వచ్చినప్పటికీ ఎదో విభేదాలు వచ్చాయని చాన్స్ అందుకే పోయిందని టాక్ వచ్చింది. అయితే ఇప్పుడు రామ్ చరణ్ సినిమాలో నటించడానికి అమ్మడు రెడీ అయ్యింది. మెగా పవర్ స్టార్ - బోయపాటి శ్రీను దర్శకత్వంలో తెరకెక్కబోయే భారీ బడ్జెట్ సినిమాలో క్యాథరిన్ స్పెషల్ పాత్రలో కనిపించనుంది.

దుబాయ్ ఎన్నారై గా సినిమాలో గ్లామర్ డోస్ పెంచే అవకాశం ఉన్నట్లు తెలుస్తోంది. అలాగే ఓ పాటలో కూడా కనిపించనుందట. అందుకే అమ్మడు స్పెషల్ గా న్యూ యార్క్ లో స్టెప్పులు అలవాటు చేసుకుంటోంది. అక్కడే ఒక ప్రముఖ డ్యాన్స్ అకాడమీలో సినిమాలో అదిరిపోయేలా డ్యాన్స్ చేయడానికి క్యాథరిన్ కష్టపడుతోంది. చరణ్ - బోయపాటి నెక్స్ట్ బ్యాంకాక్ షెడ్యూల్ ముగించుకొని వచ్చే సరికి రెడీగా ఉండాలని ఈ బ్యూటీ ప్లాన్ చెసుకుంటోంది. మరి ఈ సినిమాతో అయినా క్యాథరిన్ బిజీ అవుతుందో లేదో చూడాలి.