కేథరిన్ ఖాతాలో క్రేజీ ప్రాజెక్ట్

టాలీవుడ్ లో కేథరిన్ థ్రెసా కెరీర్ ఇప్పుడిప్పుడే గాడిన పడుతోంది. గతేడాది సరైనోడు అంటూ బ్లాక్ బస్టర్ అందుకున్న ఈ భామ.. రీసెంట్ గా నేనే రాజు నేనే మంత్రి చిత్రంలో ఓ న్యూస్ ఛానల్ హెడ్ పాత్రను.. గ్లామర్ గా పోషించడంలో సక్సెస్ అయింది. ఆ పాత్రను కేథరిన్ పండించిన తీరు చూసి.. ఆమెకు గ్లామర్ ప్లస్ పెర్ఫామెన్స్ కేరక్టర్లను ఇచ్చేందుకు మేకర్స్ ఉత్సాహం చూపుతున్నారు.

ఇప్పుడీమెను ఓ క్రేజీ ప్రాజెక్ట్ కోసం అప్రోచ్ అయ్యారని తెలుస్తోంది. తమిళ్ లో సక్సెస్ సాధించిన బోగన్ మూవీని తెలుగులో రవితేజ హీరోగా తెరకెక్కిస్తున్న సంగతి తెలిసిందే. తమిళ్ వెర్షన్ లో హన్సిక చేసిన పాత్ర కోసం.. కేథరిన్ ను సంప్రదించగా ఈమెకు ఈ పాత్రపై ఇప్పటికే మక్కువతో పాటు మంచి ఆసక్తి కూడా ఉండడంతో వెంటనే ఈ ప్రాజెక్టుకు సై అన్నట్లుగా తెలుస్తోంది. త్వరలోనే ఈ మూవీ పట్టాలెక్కుతుందని.. బోగన్ రీమేక్ ద్వారా కేథరిన్ కు తెలుగులో క్రేజ్ మరింతగా పెరగడం ఖాయమని అంటున్నారు. అలాగే త్వరలో షూటింగ్ ప్రారంభం కానున్న ఓ బడా తమిళ్ మూవీ కోసం కూడా కేథరిన్ థ్రెసాతో చర్చలు జరుగుతున్నాయని తెలుస్తోంది.

తన పెర్ఫామెన్స్ తో జనాలను ఆకట్టుకోవడంలో కేథరిన్ సక్సెస్ అవుతోంది. సరైనోడులో ఎమ్మెల్యే పాత్రలో కనిపించిన ఈమెకు.. రీసెంట్ గా గౌతమ్ నంద అంటూ ఓ ఫ్లాప్ కూడా మూట కట్టుకున్నా.. అందులో కూడా మలయాళీ కుట్టి బికినీ షోకు మంచి మార్కులే పడ్డాయిలే. టాలీవుడ్ లో 27 ఏళ్ల కేథరిన్ టైమ్ స్టార్ట్ అయినట్లేనని సినీ వర్గాలు అంచనా వేస్తున్నాయి.