సినిమావాళ్లను బాగానే పిలిచారే!!

అఖిల్-శ్రేయా భూపాల్ ల అఖిల్ ఎంగేజ్మెంట్.. గ్రాండ్ లెవెల్ లో జరిగిన సంగతి తెలిసిందే. ఈ ఫంక్షన్ ను దగ్గరి సన్నిహితులు.. అక్కినేని-జీవీకే కుటుంబ సభ్యులతో మాత్రమే నిర్వహించారని కూడా చెప్పేసుకున్నాం. కాకపోతే.. ఈ వేడుకలో కొందరు సినిమావాళ్లు కూడా సందడి చేశారు కానీ.. వారు అక్కినేని అండ్ ఫ్యామిలీ బెస్ట్ ఫ్రెండ్స్ మాత్రమే.

అఖిల్ నిశ్చితార్ధ వేడుకలో నితిన్ హడావిడి బాగా కనిపించింది. అఖిల్-నితిన్ లు జాన్ జిగినీ దోస్తుల టైపు. అఖిల్ కోసం ఏదైనా చేసేసే నితిన్.. అసలు ఈ అక్కినేని కుర్రాడిని గ్రాండ్ లెవెల్ లో లాంఛ్ చేసేందుకు అఖిల్ మూవీ కూడా నిర్మించేశాడు. నితిన్ కాకుండా చూస్తే.. శ్రియ ఈ వేడుకలో కనిపించింది. శ్రియకు.. అక్కినేని ఫ్యామిలీకి సన్నిహిత సంబంధాలు ఉన్నాయి. అటు సినిమాల వైపు మాత్రమే కాకుండా.. ఇటు ఫ్యామిలీ ఫ్రెండ్ కూడా.

ఇక యంగ్ రెబెల్ స్టార్ ప్రభాస్ కూడా.. ఈ కుర్ర బ్యాచ్ లో ఉన్నాడు. మరి రానా దగ్గుబాటి లేకుండా హంగామా ఏముంటుంది చెప్పండి. వీరితో పాటు. మోడల్ కం తిక్క హీరోయిన్ అయిన లారిస్సా బొనేసి కూడా అఖిల్ ఎంగేజ్మెంట్ లో కనిపించింది. కన్నడ హీరో శివరాజ్ కూడా ఈ వేడుకలో భాగం అయ్యాడు. ఇలా చాలామంది సినిమావారు విచ్చేశారు. వీరందరూ అక్కినేని ఫ్యామిలీకి క్లోజ్ బ్యాచ్ అనే విషయం తెలుసు కదా.