సెల‌బ్రిటీల క్రిస్మ‌స్ విషెస్ తో హోరెత్తిన ట్విట‌ర్

సెల‌బ్రిటీలంతా క్రిస్మ‌స్ వేడుక‌ల్లో మునిగిపోయారు. క్రైస్త‌వుల పండుగా అయినా క్రిస్మ‌స్ ని సెల‌బ్రిటీలంతా త‌మ‌ వేడుక‌గా జ‌రుపుకుంటారు. ఇంటిని అందంగా డెకేట‌ర్ చేసి.. క్రిస్మ‌స్ ట్రీస్.. శాంటా బొమ్మ‌ల‌తో ముస్తాబు చేసి వైభంగా జ‌రుపుకుంటున్నారు. వ‌య‌సుతో సంబంధం లేకుండా ఎంత‌టి వారైనా క్రిస్మ‌స్ తాత‌య్య‌లా రెడీ అయిపోతారు. ఆ మూవ్ మెంట్స్ ని సోష‌ల్ మీడియా వేదిక‌గా అభిమానుల‌తో పంచుకుంటారు. తాజాగా టాలీవుడ్ టాప్ మోస్ట్ సెల‌బ్రిటీలంతా ట్విట‌ర్ వేదిక‌గా క్రిస్మ‌స్ శుభాకాంక్ష‌లు తెలిపారు. అలాగే ఒక‌రికొక‌రు సెల‌బ్రిటీలు మెర్రీ క్రిస్మ‌స్ విషెస్ ని తెలియ‌జేసుకుంటూ ఆనందం ఆత్మీయ‌త‌ను పొందుతున్నారు.

`మేర్రి క్రిస్మ‌స్` అంటూ మెగాస్టార్ చిరంజీవి త‌న అభిమానులు ప‌రిశ్ర‌మ వ‌ర్గాల‌కు విషెస్ తెలిపారు. `అంద‌రూ సంతోషంగా ఆయురారోగ్యాల‌తో ఉండాల‌ని కోరుకున్నారు. ఇక యంగ్ టైగ‌ర్ ఎన్టీఆర్ కూడా ఫ్యాన్స్ కి క్రిస్మ‌స్ శుభాకాంక్ష‌లు తెలిపారు. సూప‌ర్ స్టార్ మ‌హేష్ కూడా విషెస్ తెలిపారు. `ఎప్పుడు సంతోషంగా ఉండాలి` హ్యీపీ క్రిస్మ‌స్ అని రాసుకొచ్చారు. ఇక‌ మంచు విష్ణు..శాంటా మీరు పంపించే ప్ర‌తీ బహుమ‌తిని త‌ప్ప‌క స్వీక‌రిస్తారు. హ్యాపీ క్రిస్మ‌స్ అంటూ విష్ చేసారు. ఇంకా కోలీవుడ్ హీరో శివ కార్తికేయ‌న్..మ్యూజిక్ డైరెక్ట‌ర్ థ‌మ‌న్ క్రిస్మ‌స్ ట్రీ తో ఉన్న ఫోటోని ట్విట‌ర్ వేదిక‌గా షేర్ చేసారు. కార్తీ..మ‌ల‌యాళం న‌టుడు మమ్ముట్టి తదిత‌రులు ప్రేక్ష‌కుల‌కు క్రిస్మ‌స్ శుభాకాంక్ష‌లు తెలిపారు.

సెల‌బ్రిటీలంతా ముంద‌స్తుగా అర్ధ‌రాత్రి నుంచే క్రిస్మ‌స్ శుభాకాంక్ష‌ల వెల్లువ నెట్టింట మొద‌లు పెట్టారు. వాస్త‌వానికి ఈ పండుగ క్రైస్త‌వుల‌ది అయినా భిన్న‌త్వంలో ఏక‌త్వం గ‌ల దేశం కాబ‌ట్టి భార‌తదేశంలో పండుగ జ‌రిగినా సెల‌బ్రిటీలు ప్ర‌త్యేకంగా విషెస్ తెలుపుతారు. ఆ విష‌యంలో సెల‌బ్రిటీలు చాలా చొర‌వ చూపిస్తారు. కుల‌..మ‌తాల‌కు అతీతంగానే ప్ర‌తీ పండుగ‌ను గౌర‌వించాల‌ని భావించే గొప్ప సంస్కృతి భార‌త‌దేశానికే చెల్లింది.