జ‌క్క‌న్న వార‌సుడి పెళ్లి టాప్ గెస్ట్స్‌

నిక్యాంక పెళ్లి సంద‌డి.. దీప్ వీర్ పెళ్లి సంద‌డి .. రెండు టాప్ వెడ్డింగ్ సెల‌బ్రేష‌న్స్ ఇప్ప‌టికే ముగిశాయి. ఇక సంవ‌త్స‌రాంతంలో మ‌రో సెల‌బ్రిటీ పెళ్లి సంద‌డిగా జ‌ర‌గ‌నుంది. ఈనెల 30న అంటే ఆదివారం నాడు ద‌ర్శ‌క‌ధీరుడు ఎస్‌.ఎస్.రాజ‌మౌళి కుమారుడు కార్తికేయ .. న‌టుడు జ‌గ‌ప‌తిబాబు క‌జిన్‌ పూజా ప్ర‌సాద్‌ ని పెళ్లాడుతున్నాడు. ఇప్ప‌టికే జైపూర్- దిల్లీ నేష‌న‌ల్ హైవేలో ఉన్న హోట‌ల్ ఫెయిర్ మౌంట్‌ లో సెల‌బ్రేష‌న్స్ జోరుగా సాగుతున్నాయి. నేటి సాయంత్రానికి డార్లింగ్ ప్ర‌భాస్ స‌హా బాహుబ‌లి బృందం అక్క‌డ దిగిపోయారు. కార్తికేయ‌తో క‌లిసి ప్ర‌భాస్ - రానా ఫుల్ జోష్‌ లోకి వెళ్లిపోయారు.

నేటి సాయంత్రం మెహందీ కార్య‌క్ర‌మం జ‌రుగుతోంది. రేపు సంగీత్ కార్య‌క్ర‌మం జ‌ర‌గ‌నుంది. ఈరోజు ఇప్ప‌టికే సుశ్వితాసేన్ ఆ ఈవెంట్‌ కి హాజ‌ర‌య్యారు. రామ్‌ చ‌ర‌ణ్ - రానా - నాగార్జున‌ - నాని - జూ.ఎన్టీఆర్ - అనుష్క - అఖిల్ త‌దిత‌రులు ఇప్ప‌టికే వెన్యూ ద‌గ్గ‌ర‌కు చేరుకున్నారు. ఆ మేర‌కు న‌మితాస్ క‌ళ్ల వెన్యూ స్పాట్ నుంచి వివ‌రాల్ని అందించారు.

ప్ర‌స్తుతం ఫెయిర్ మౌంట్ హోట‌ల్ ప్రాంగ‌ణం అతిధులతో క‌ళ‌క‌ళ‌లాడిపోతోంది. వెడ్డింగ్ సెల‌బ్రేష‌న్స్ మూడు రోజులు బాహుబ‌లి టీమ్ రచ్చ మామూలుగా ఉండ‌ద‌ని అర్థ‌మ‌వుతోంది. ఇక ఈ పెళ్లి వేడుక‌కు బాలీవుడ్ కింగ్ సెల‌బ్రిటీ క‌ర‌ణ్ జోహార్ ఎటెండ్ కానున్నార‌ని తెలుస్తోంది. ప‌లువురు బాలీవుడ్ సెల‌బ్రిటీల‌తో పాటు - ఇటు సౌత్ నుంచి మ‌రింత మంది టాప్ గెస్ట్స్ అటెండ్ అయ్యే అవ‌కాశం ఉంది.