ఆ పెళ్లిలో టాప్ స్టార్లు మిస్‌

ఎస్.ఎస్.రాజ‌మౌళి కుమారుడు కార్తికేయ.. లెజెండ‌రీ నిర్మాత వి.బి.రాజేంద్ర ప్ర‌సాద్ మ‌న‌వ‌రాలు, న‌టుడు జగ‌ప‌తిబాబు అన్న కూతురు పూజా ప్ర‌సాద్ ని పెళ్లాడుతున్న సంగ‌తి తెలిసిందే. పెద్ద‌లు కుదిర్చిన ప్రేమ వివాహ‌మిది. ఈనెల 30(ఆదివారం)న జైపూర్ లోని ఫెయిర్ మౌంట్ భ‌వంతి లో ఈ జంట వివాహం జ‌ర‌గ‌నుంది. మూడు రోజుల ముందే ఈ వేడుక‌ల‌కు సంబంధించిన ఉత్స‌వం మొద‌లైంది. గురువారం (28న‌) సాయంత్రం నుంచే బ‌రాత్ వేడుక‌ స‌హా సంగీత్ కార్య‌క్ర‌మానికి సంబంధించి హ‌డావుడి మొద‌లైంది. నేడు సంగీత్ కార్య‌క్ర‌మం ఘ‌నంగా జ‌రుగుతోందని స‌మాచారం.

ఈ వేడుక‌ల‌కు ఇండ‌స్ట్రీ నుంచి సెల‌క్టెడ్‌ గా అతిధులు హాజ‌ర‌య్యారు. కింగ్ నాగార్జున‌ - అఖిల్ - రామ్‌ చ‌ర‌ణ్‌ - ప్ర‌భాస్ - తార‌క్ - రానా - అనుష్క‌ త‌దిత‌రులు ఎటెండ్ అయ్యారు. అయితే టాలీవుడ్ నుంచి టాప్ హీరోలెంద‌రో ఈ వేడుక‌ల్లో మిస్స‌య్యారు. మెగాస్టార్ చిరంజీవి - ప‌వ‌ర్‌ స్టార్ ప‌వ‌న్ క‌ల్యాణ్ - సూప‌ర్‌ స్టార్ మ‌హేష్ - స్టైలిష్ స్టార్ అల్లు అర్జున్ లాంటి టాప్ స్టార్లు ఇప్ప‌టివ‌ర‌కూ ఈ వేడుక‌ల్లో క‌నిపించ‌లేదు.

అయితే మెగాస్టార్ చిరంజీవికి - గీతా ఆర్ట్స్ అధినేత‌ అల్లు అర‌వింద్ కి ఆహ్వానాలు అందాయిట‌. వీళ్లు పెళ్లి రోజు అటెండ‌య్యే అవ‌కాశం ఉంద‌ని చెబుతున్నారు. ఇక మ‌హేష్ - బ‌న్నిల‌కు ఆహ్వానాలు అంద‌లేద‌న్న ప్ర‌చారం సాగుతోంది. మ‌హేష్ ప్ర‌స్తుతం దుబాయ్ వెకేష‌న్‌ లో ఉన్నాడు. దుబాయ్ నుంచి వెన‌క్కి రావాల్సి ఉన్నా - ఆలోచ‌న మార్చుకుని అక్క‌డే ఉన్నార‌ట‌. జైపూర్ అతిధుల జాబితాలో కేవ‌లం కొన్ని పేర్లు మాత్ర‌మే ఉన్నాయి. త‌న‌కు అత్యంత సన్నిహితుల్ని మాత్ర‌మే సెల‌క్టివ్ గా రాజ‌మౌళి ఆహ్వానించార‌ట‌. వాళ్లు మాత్ర‌మే ఈ వేడుక‌కు వెళుతున్నార‌ని, అటుపై హైద‌రాబాద్ రిసెప్ష‌న్ కి ఇత‌ర ప్ర‌ముఖులంద‌రినీ ఆహ్వానించార‌ని తెలుస్తోంది. రిసెప్ష‌న్‌ గ్రాండ్ గా ఉంటుంద‌ని చెబుతున్నారు. అంటే పెండింగ్ స్టార్లు అంతా న‌వ వ‌ధూవరుల్ని హైదరాబాద్ రిసెప్ష‌న్ లోనే ఆశీర్వ‌దిస్తార‌ని భావిస్తున్నారు.