మన్నత్ కు తారలు దిగివచ్చిన వేళ

సాధారణ జనాలు ఏదైనా పండగ వస్తే పండగ చేసుకుంటారు. కానీ సెలబ్రిటీలు మాత్రం పండక్కి పార్టీ చేసుకుంటారు. ఇక బాలీవుడ్ సంగతి తీసుకుంటే అన్నిటికీ పార్టీలే. అలానే బాలీవుడ్ బాద్షా గా పేరుతెచ్చున్న షారూఖ్ ఖాన్ రీసెంట్ గా సెలబ్రిటీలకు ఓ భారీ దీపావళి పార్టీ ఇచ్చాడు. కింగ్ ఖాన్ పార్టీ ఇవ్వగానే స్కూల్ పిల్లల్లా బాలీవుడ్ సెలబ్రిటీలు అందరూ ప్రెజెంట్ సర్ అన్నారు.

అమీర్ ఖాన్ .. షాహిద్ కపూర్.. సిద్దార్థ్ మల్హోత్రా.. అర్జున్ కపూర్.. అంగద్ బేడి.. కరీనా కపూర్.. కరిష్మా కపూర్.. అమృత అరోరా.. మలైకా అరోరా.. కియారా అద్వాని.. మాన్యతా దత్.. సారా అలీ ఖాన్.. నేహా ధూపియా.. మీరా రాజ్ పుత్.. కృతి సనన్.. సుజానే ఖాన్.. ఇలా ఉందండీ అతిథుల లిస్టు. ఇక ఈ పార్టీలో కరీనా అనామిక ఖన్నా డిజైన్ చేసిన లెహెంగా అందరినీ ఆకర్షించింది. ఇంతకీ ఈ పార్టీ ఎక్కడ జరిగిందని మీకు అనుమానం రాలేదా?

ఖాన్ సాబ్ కు ముంబై నగరంలోని బాంద్రా ఏరియాలో 'మన్నత్' అనే లంకంత బంగళా ఉంది. అక్కడే ఈ దివాలి బ్యాష్. అతిథులను షారూఖ్ ఖాన్ - గౌరీ దంపతులు ఎంతో అభిమానంతో.. ఆప్యాయతతో పలకరించి ప్రేమగా చూసుకున్నారట. ఇక ఈ దివాలి పార్టీ ఫోటోలు ఇప్పటికే ఆన్లైన్ లో వైరల్ అయ్యాయి. మీరూ ఖాన్ సాబ్ పార్టీ పిక్స్ పై ఓ లుక్కేయండి.