మెగా మెగా స్టార్లందరూ విషెస్‌ చెప్పేశారు..

మామూలుగా ఏదో ఒకటో రెండో స్టార్లు వీడియోల ద్వారా విషెస్‌ చెబుతుంటారు. అయితే అఖిల్‌ ఆడియో ఫంక్షన్‌ లో మాత్రం ఏకంగా భారతదేశ చరిత్రలో సువర్ణాక్షరాలతో ఎన్నో అధ్యాయాలు లిఖించిన దిగ్గజాలు విషెస్‌ చెప్పడం ఎంతో గర్వకారణం.

ముఖ్యంగా.. బాలీవుడ్ మెగా స్టార్‌ అమితాబ్‌ బచ్చన్‌ తన హృదయ పూర్వక అభినందనలు తెలుపడం అద్భుతంగా ఉంది. ముఖ్యంగా అక్కినేని వారసుడిగా అడుగుపెడుతూ.. అక్కినేని లెగసీని క్యారీ చేస్తూ.. తాత చేసిన అధ్బుతాలను.. తండ్రి నాగార్జున క్రియేట్‌ చేసిన ఆ స్టార్ డమ్‌ ను.. అద్భుతంగా ముందుకు క్యారీ చేయాలంటూ అమితాబ్‌ విషెస్‌ తెలియజేశారు. అలాగే విశ్వనటుడు లోకనాయకుడు కమల్‌ హాసన్‌ కూడా అఖిల్‌ ను మెచ్చకున్నాడు. ''ఏదో ఒక ఫ్యామిలీ నుండి వచ్చేస్తున్నాం అంటే కాదు. అందుకోసం బాగా కష్టపడి నేర్చుకొని, ఫారిన్‌ లో ట్రైనింగ్‌ తీసుకొని ఎంతో కాన్ఫిడెంటుగా మా యాక్టింగ్‌ ఫ్యామిలీ లోనికి అడుగుపెడుతున్న అఖిల్‌.. నీకు వెల్‌ కమ్‌'' అన్నారు కమల్‌. అలాగే క్రికెట్‌ దేవుడు సచిన్‌ టెండుల్కర్‌ కూడా ఇక అఖిల్‌ ను మెచ్చుకున్నాడు. ''మేము నీ పక్కనే లేకపోయినా కూడా.. మేం నిన్ను ఫాలో అవుతూనే ఉంటాం. నువ్వు అదరగొడతావ్‌ అనుకుంటున్నా..'' అని సెలవిచ్చాడు సచిన్‌.

ఇకపోతే టాలీవుడ్‌ నుండి సూపర్ స్టార్లు అయిన రామ్‌ చరణ్‌ - బన్నీ - ప్రభాస్‌ - రానా కూడా విషెస్‌ తెలియజేశారు. అంతేకాకుండా తమిళం నుండి సూర్య - కన్నడ నుండి కంఠీరావ రాజ్‌ కుమార్‌ కుమారుడు శివ రాజ్‌ కుమార్‌ విషెస్‌ తెలియసేశారు. భామలు కాజల్‌ - శృతి కూడా లక్ష్మీ మంచుతో కలసి ఆల్‌ ది బెస్టు చెప్పారులేండి.