#PSPK25 మొబైల్స్ వస్తున్నాయ్

పవర్ స్టార్ పవన్ కళ్యాణ్ క్రేజ్ అంటే ఎలా ఉంటుందో ఆయన అభిమానులను చూస్తే ఎవ్వరికైనా అర్ధమవుతుంది. టాలీవుడ్ స్టార్ హీరో గా కొనసాగుతున్న పవన్ కళ్యాణ్ ప్రస్తుతం త్రివిక్రమ్ దర్శకత్వంలో అజ్ఞాతవాసి అనే సినిమాను చేస్తోన్న సంగతి తెలిసిందే. ప్రస్తుతం ఆ సినిమాపై అంచనాలు మాములుగా లేవు. మరి కొన్ని రోజుల్లో న్యూ ఇయర్ వేడుకలతో పాటు అజ్ఞాతవాసి వేడుకలు కూడా మొదలవుతాయని ప్రత్యేకంగా చెప్పనక్కర్లేదు.

సినిమా ఏ స్థాయిలో రికార్డులను కొల్లగొడుతుందా అనే విషయంపై ప్రస్తుతం అనేక చర్చలు జరుగుతున్నాయి. ఇకపోతే సినిమా క్రేజ్ ను వాడుకోవాలని కొన్ని బడా కంపెనీలు చాలా ప్రణాళికలను సిద్ధం చేసుకుంటున్నాయి. అయితే చిత్ర యూనిట్ తో కలిసి ప్రముఖ సెల్ కాన్ మొబైల్ కంపెనీ ఒక భారీ డీల్ ను సెట్ చేసుకునే ప్రయత్నం చేస్తోందట. దాదాపు 50 వేల ఫోన్లను ఆ కంపెనీ మార్కెట్ లోకి విడుదల చేయాలనీ చూస్తోంది. ఆ తర్వాత రిజల్ట్ ని బట్టి మరికొన్ని ఫోన్లను రిలీజ్ చేయనుంది.

అయితే అజ్ఞాతవాసి క్రేజ్ ను అందుకు ఉపయీగించుకోవాలని #PSPK25 బ్రాండ్ నేమ్ తో మొబైల్స్ ని రిలీజ్ చేయాలనీ కంపెనీ యాజమాన్యం ఆలోచిస్తోందట. ఇప్పటికే కంపెనీ అధికారులు చిత్ర యూనిట్ తో సంప్రదింపులు జరిపినట్లు తెలుస్తోంది. త్రివిక్రమ్ గ్యాంగ్ కూడా అందుకు గ్రీన్ సిగ్నల్ ఇచ్చే ఆలోచనలో ఉన్నట్లు సమాచారం. అన్ని కుదిరితే త్వరలోనే ఆ కార్యక్రమాలు మొదలవుతాయని తెలుస్తోంది.