ఐష్ రెచ్చిపోయిన తీరుకు వాళ్లకు సిగ్గేసిందట

అతిలోక సుందరి ట్యాగ్ లైన్ కు తగ్గట్లే.. వయసు మీద పడినా.. ఒంపుసొంపుల విషయంలో ఏమాత్రం బిగి తగ్గక.. వయసు హీరోయిన్లకు సైతం అసూయతో రగిలిపోయేలా చేస్తున్న అందం ఐశ్వర్యారాయ్ బచ్చన్ సొంతం. అభిషేక్ బచ్చన్ భార్యగా.. ఒక పాపకు తల్లి అయినప్పటికి ఐష్ అందాల్లో హాట్ నెస్ ఏ మాత్రం తగ్గలేదన్న విషయాన్ని ఆమె తాజాగా నటించిన యే దిల్ హై ముష్కిల్ చిత్ర టీజర్ తో చెప్పేసింది. తనకంటే పదేళ్లు చిన్నోడైన రణబీర్ కపూర్ తో రెచ్చిపోయి నటించిన తీరుతో గ్లామర్ ప్రపంచంలో సెక్సీ క్వీన్ గా మరో పదేళ్లు ఆయుష్షును పెంచేసుకున్న ఐష్.. రసిక హృదయాలకు నిద్రలేని రాత్రుల్ని మిగిలుస్తోంది.

టీజర్ తో సదరు సినిమా మీద అంచనాలు భారీగా పెరిగిపోవటమే కాదు.. ఈ నెల 28 ఎప్పుడు వస్తుందా? అని క్యాలెండర్ ను చూసుకుంటూ రోజులు గడిపే పరిస్థితి. టీజర్ తోనే చితక్కొట్టేసిన ఐష్.. సినిమాలో మరింత రెచ్చిపోవటం ఖాయమని చెబుతున్నారు. స్క్రీన్ మీద ఆమె పండించిన రొమాన్స్ కారణంగా ఇంట్లో కొత్త రచ్చ మొదలైందని.. అభిషేక్ కు మరికొద్ది రోజుల్లో దూరం కావటం ఖాయమన్న వార్తలు గుప్పుమనే పరిస్థితి.

ఇదిలా ఉంటే.. యే దిల్ మై ముష్కిల్ చిత్రం ఇటీవల సెన్సార్ కు వెళ్లిన సందర్భంగా.. ఈ సినిమాను వీక్షించిన సెన్సార్ సభ్యుల్లో కొందరు సిగ్గుతో చితికిపోయారట. రెచ్చిపోయి నటించిన ఐష్ తీరు.. కొన్ని హాట్ సీన్లను చూసి బిత్తరపోయిన విషయాన్ని సదరు సెన్సార్ సభ్యులు తమ సన్నిహితులతో చెప్పినట్లుగా కొన్ని బాలీవుడ్ పత్రికలు రాసేశాయి. ఐష్ చేసిన సీన్లను తాము చూసేందుకే సిగ్గుపడిపోయామని.. అలాంటి ఐష్ ఎలా చేసిందన్న మాట వారి నోట వచ్చినట్లుగా చెబుతున్నారు. అందుకే కొన్ని సీన్లకు కత్తెర వేసినట్లుగా తెలుస్తోంది. మరోవైపు.. తమ చిత్రానికి సెన్సార్ సభ్యులు ఎలాంటి కట్స్ చెప్పలేదని కరణ్ వర్గం చెబుతోంది.కట్స్ మాటేమో కానీ ఐష్ రొమాన్స్ మాత్రం ఇప్పుడీ సినిమాను నిత్యం వార్తల్లో ఉండేలా చేస్తుందనటంలో సందేహం లేదు.

Like Us on Facebook : https://www.facebook.com/Tupakidotcom/