సెన్సార్ రూమ్ లో హిట్ కొట్టిన‌ట్టేనా?

క్రైమ్ థ్రిల్ల‌ర్ జాన‌ర్ కి మ‌న ఆడియెన్ లో ఉన్న ఆద‌ర‌ణ గురించి తెలిసిందే. రాక్ష‌సుడు- ఖైదీ లాంటి క్రైమ్ థ్రిల్ల‌ర్ల‌ను తెలుగు ఆడియెన్ ఆద‌రించిన తీరు ఆస‌క్తి రేకెత్తించింది. అందుకే ఇప్పుడు విశ్వక్ సేన్ తాజా ప్ర‌య‌త్నం హిట్ రిజ‌ల్ట్ ఎలా ఉండ‌నుందోన‌న్న ఆస‌క్తి నెల‌కొంది.

ఈ సినిమా టీజ‌ర్- ట్రైల‌ర్- సీన్ మేకింగ్ వీడియోలు ఇప్ప‌టికే వైర‌ల్ అయ్యాయి. మ‌ర్డ‌ర్ క్రైమ్ థ్రిల్లర్ మూవీ ఇది. ఈ శుక్రవారం ఘ‌నంగా విడుదలవుతోంది. నిర్మాత‌గా నానీకి.. హీరోగా విశ్వ‌క్ కి ఈ సినిమా ఎంతో కీల‌క‌మైన‌ది. ఓ మిస్సింగ్ అండ్ మర్డర్ కేసును ఛేదించే స్పెషల్ ఇన్వెస్టిగేషన్ అధికారి(ఎస్.ఐ.టి)గా విశ్వ‌క్ కనిపించనున్నాడు. శైలేష్ కొలను ఈ చిత్రానికి ద‌ర్శ‌క‌త్వం వ‌హించ‌గా.. హీరోయిన్ గా రుహాని శర్మ నటించింది

ఇక దేవ‌ర‌కొండ త‌ర్వాత మ‌ళ్లీ నైజాంలో అంత‌టి ఎన‌ర్జీ ఉన్న హీరోగా విశ్వ‌క్ కి పేరున్నా దానిని స‌క్సెస్ చేయ‌డంలో అత‌డు ఏ మేర‌కు స‌క్సెస‌వుతాడు? అన్న‌ది ఆస‌క్తిని రేకెత్తిస్తోంది. తాజాగా హిట్ సెన్సార్ కార్యక్రమాలు పూర్తి చేసుకుంది. ఈ చిత్రానికి యుఏ సర్టిఫికెట్ ద‌క్కింది. ఇక రియ‌ల్ హిట్ కొట్ట‌డ‌మే పెండింగ్ లో ఉంది.