వీడియో: విశాల్ 'చక్ర' నుంచి 'స్క్రీమ్ ఆఫ్ డార్క్ నెస్' థీమ్ మ్యూజిక్..!

విశాల్ హీరోగా నటించిన లేటెస్ట్ మూవీ ''చక్ర''. ఇందులో శ్రద్ధా శ్రీనాథ్ - రెజీనా క‌సాండ్ర - శృతి డాంగే హీరోయిన్స్ గా నటించారు. ఎమ్.ఎస్ ఆనందన్ దర్శకత్వం వహించిన ఈ చిత్రాన్ని విశాల్ హోమ్ బ్యానర్‌ విశాల్ ఫిల్మ్ ఫ్యాక్టరీ పై నిర్మించారు. సైబర్ హ్యాకర్ - బ్యాంక్ రాబరీ నేపథ్యంలో ఈ యాక్షన్ ఎంటర్ టైనర్‌ రూపొందింది. ఇప్పటికే విడుదలైన ప్రచార చిత్రాలు ఈ సినిమాపై ఆసక్తిని కలిగించాయి. ఈ క్రమంలో తాజాగా 'స్క్రీమ్ ఆఫ్ డార్క్ నెస్' పేరుతో 'చక్ర' థీమ్ మ్యూజిక్ రిలీజ్ చేశారు.

సంగీత దర్శకుడు యువన్ శంకర్ రాజా కంపోజ్ చేసిన ఈ థీమ్ మ్యూజిక్ విశేష స్పందన తెచ్చుకుంటోంది. ఇది సైబర్ క్రైమ్ నేపథ్యానికి తగ్గట్టుగా ఉంది. దీనికి తన్వీ షా లిరిక్స్ రాయడంతో పాటు తనదైన శైలిలో ఆలపించారు. ఈ వీడియోలో విశాల్ చేసే యాక్షన్ సన్నివేశాలను చూపించడంతో పాటు చివర్లో 'వెల్కమ్ టూ డిజిటల్ ఇండియా' అని చూపించారు. ఇది విశాల్ గత చిత్రం 'అభిమ‌న్యుడు' త‌ర‌హాలోనే అత్యుత్త‌మ సాంకేతిక విలువ‌ల‌తో తెరకెక్కిస్తున్నట్లు అర్థం అవుతోంది. ఈ చిత్రంలో విశాల్ మిల‌ట‌రీ ఆఫిస‌ర్‌ గా.. శ్రద్ధా శ్రీ‌నాథ్ పోలీస్ ఆఫీస‌ర్ గా నటించారు. త్వరలోనే ఈ చిత్రాన్ని తెలుగు త‌మిళ‌ మ‌ల‌యాళ‌ క‌న్న‌డ నాలుగు ద‌క్షిణాది భాష‌ల్లో రిలీజ్ చేయనున్నారు.