చల్ మోహన్ రంగా.. ఈజీగా కొట్టేస్తాడు

పవన్ ఫ్యాన్స్ నితిన్ ఫ్యాన్స్ హంగామా మొదలైంది. ఈ ఏడాది మొదట్లో పవన్ కళ్యాణ్ నిరాశపరిచినా ఆయన అభిమాని నితిన్ మాత్రం పవన్ ఫ్యాన్స్ కి కిక్ ఇచ్చేలా కనిపిస్తున్నాడు. ఈ ఇద్దరికి ఒకే రకమైన అభిమానులు ఉంటారని అందరికి తెలిసిన విషయమే. రేపు చల్ మోహన్ రంగ సినిమా ప్రపంచ వ్యాప్తంగా రిలీజ్ కాబోతోంది. ఇప్పటికే సోషల్ మీడియాలో రచ్చ మొదలైంది. ప్రవాసులు కూడా సినిమా చూడటానికి రెడీ అయ్యారు. యూఎస్ లో ప్రీమియర్స్ కి ఏర్పాట్లు పూర్తయ్యాయి.

ఉదయం లోపు సినిమా రిజల్ట్ తెలిసిపోతుంది. ఇకపోతే సినిమాప్రీ రిలీజ్ బిజినెస్ విషయానికి వస్తే.. వరల్డ్ వైడ్ గా చల్ మోహన రంగ థ్రియేటికల్ రైట్స్ 20 కోట్లకు అమ్ముడు పోయాయి. నైజంలో నితిన్ మార్కెట్ ఎక్కువగా ఉండడంతో అక్కడ 6 కోట్ల ధర పలికింది. వైజాగ్ ఈస్ట్ వెస్ట్ ఏరియాల్లోఅలాగే కృష్ణ మరియు గుంటూరులో ఈ సినిమా కోటికి పైగానే అమ్ముడుపోయింది. సీడెడ్ లో మాత్రం గత సినిమాల కంటే ఎక్కువగా 2.7కోట్లకు సేల్ అయ్యింది.

ఓవర్సీస్ 2.7 కోట్లు - కర్ణాటక 0.8కోట్లు - రెస్ట్ ఆఫ్ ఇండియా 0.3కోట్లు. మొత్తంగా కలుపుకొని 20 కోట్ల ప్రీ రిలీజ్ బిజినెస్ చేస్తోన్న చల్ మోహన్ రంగ పై ప్రస్తుతానికి పాజిటివ్ టాక్ ఉంది. సినిమా ఏ మాత్రం బావుందని టాక్ వచ్చినా కూడా నితిన్ 25వ చిత్రం కెరీర్ బెస్ట్ ఫిల్మ్ అవ్వడం పక్కా. పవన్ కళ్యాణ్ ప్రొడక్షన్ లో సినిమా తెరకెక్కుతుండటం మేజర్ ప్లస్ పాయింట్. అందుకే ఈ సినిమా 20 కోట్లను ఈజీగా రికవర్ చేస్తుందని ట్రేడ్ పండితులు జోస్యం చెబుతున్నారు. కృష్ణ చైతన్య దర్శకత్వం వహించిన ఈ సినిమాలో మేఘా ఆకాష్ హీరోయిన్ గా నటించిన సంగతి తెలిసిందే.