టీజర్ టాక్: పవర్ఫుల్ రా ఏజెంట్

ఒక నిమిషం లోపే ఉన్న ఈ టీజర్ లో స్టొరీ పెద్దగా రివీల్ చెయ్యలేదు కానీ గోపిచంద్ ఒక రా(RAW) ఏజెంట్ అని మాత్రం వెల్లడించారు. రా ఏజెన్సీ అంటే అంతర్జాతీయ నేపథ్యం అనే అర్థం. దానికి తగ్గట్టే అలానే గోపిచంద్ పాకిస్తాన్ లో ఒక సీక్రెట్ మిషన్ లో ఉంటాడు. అయితే గోపిచంద్ అండర్ కవర్ విషయం తెలిసిపోయిందని.. నీకు RAW ఆఫీస్ కు ఎటువంటి సంబంధం లేదని పై ఆఫీసర్ చెప్తాడు. మరి ఇలాంటి పరిస్థితిలో గోపీచంద్ తన మిషన్ ను వదిలేసి బయటపడేందుకు ప్రయత్నించాడా లేక అక్కడే ఉండి మిషన్ ను పూర్తి చేసి మరీ ఇండియా కు తిరిగివచ్చాడా అనేది సస్పెన్స్. విలన్లతో "నామ్ హై అర్జున్.. ఇండియన్" లాంటి హై ఇంటెన్సిటీ ఉన్న డైలాగ్స్ ను గోపిచంద్ చెప్పడం చూస్తుంటే అక్కడే ఉండి మిషన్ పూర్తిచేసే మొండిఘటంలాగానే కనిపిస్తున్నాడు. గోపీచంద్ లాంటి మాచో స్టార్ కు ఇంతకంటే బెస్ట్ బ్యాక్ డ్రాప్ ఏముంటుంది చెప్పండి?