వస్తానమ్మా.. బాగా చేశావ్‌

యాంకర్‌ అనసూయ నిన్నటి రేయి లయన్‌ ఆడియో వేదికపై ప్రత్యేక ఆకర్షణగా నిలిచింది. ఎవరూ ఊహించని రీతిలో చిట్టిపొట్టి నిక్కరులో కాకుండా పచ్చకోకలో దేవతాకన్యలా తయారై వచ్చింది. అంతేకాదు అనవసరమైన, పెచ్చుమీరిన పదజాలం ఉపయోగించకుండా హుందాగానే ఆడియోని కానిచ్చేసింది. ఏపీ సీఎం చంద్రబాబు నాయుడు సహా అరడజను టీడీపీ నేతలు వేదికపైకి వచ్చినప్పుడు వారందరితో హుందాగా నడుచుకుంది. అందుకేనేమో .. ఈ అమ్మడిని బాబు ప్రత్యేకించి అభినందించారు. ఆయన ఆడియోలో వచ్చిన పని పూర్తి చేసుకుని వెళ్లే ముందు ఓమారు అనసూయకు హ్యాండిచ్చారు. షేక్‌ హ్యాండ్‌ ఇచ్చి 'బాగా చేశావమ్మా' అంటూ పొగిడేసి వెళ్లిపోయారు. దాంతో తబ్బి ఉబ్బిబ్బవ్వడం అనసూయ వంతయ్యింది. ఇదే విషయాన్ని ప్రస్థావిస్తూ.. నా జీవితంలో ఇలాంటిది చాలా అరుదైన సందర్భం.. అంటూ ముచ్చటపడిపోయింది. ఒక ముఖ్యమంత్రి స్వయంగా ప్రశంసించడం అంటే గొప్పతనమే. తనలో విషయం ఉంది కాబట్టే ఆ పొగడ్త వచ్చింది. ఒకవేళ నచ్చకపోతే అంత సీను ఉండేదే కాదు. వెల్‌ .. అనసూయ ఆల్‌ ది బెస్ట్‌.