క్యారెక్ట‌ర్ న‌టి వ‌య‌సు 40.. న‌మ్మేసాం మ్యాడ‌మ్!

ప్ర‌ముఖ న‌టి సురేఖా వాణి సోష‌ల్ మీడియా సంద‌డి తెలిసిన‌దే. కుమార్తెతో క‌లిసి ఆమె నిరంత‌రం ఇన్ స్టా వేదిక‌గా ఫ‌న్నీ వీడియోలు ఫోటోలను షేర్ చేస్తుంటారు. వాటికి అద్భుత ఫాలోయింగ్ ఉంది. నేడు సురేఖ‌ బ‌ర్త్ డే సంద‌ర్భంగా హంగామా పీక్స్ కి చేరుకుంద‌ని తాజాగా రిలీజ్ చేసిన సోష‌ల్ మీడియా ఫోటోలు వీడియోలు వెల్ల‌డిస్తున్నాయి.

నటి సురేఖా వాణీకి 20 ఏళ్ల కుమార్తె ఉన్నారు. కానీ త‌న ఏజ్ జ‌స్ట్ 40 అంటూ ప్ర‌క‌టించారు. 40 వ పుట్టినరోజు వేడుక‌ల‌ వీడియోలు ఫోటోలను తన ఇన్ స్టా లో పోస్ట్ చేయ‌గా.. అభిమానులు స‌రే.. న‌మ్మేశాం మ్యాడ‌మ్‌! అంటూ ఫ‌న్నీగా రిప్ల‌య్ లు ఇస్తున్నారు.

సురేఖ‌ ప్ర‌స్తుతం ప‌లు భాష‌ల్లో న‌టిస్తూ కెరీర్ ప‌రంగా బిజీగా ఉన్నారు. త‌న వృత్తిలో భాగంగా త‌న ఆకర్షణీయమైన ఫోటోల‌ను పోస్ట్ చేయడంతో పాటు తన కుమార్తె సుప్రీత‌ను సోష‌ల్ మీడియాలో ఫేమ‌స్ అయ్యేలా నిరంత‌ర ఫోటోలు వీడియోల్ని షేర్ చేస్తున్నారు. అవ‌న్నీ వైర‌ల్ గా మారుతున్నాయి. నేడు బ‌ర్త్ డే జ‌రుపుకుంటున్న సురేఖా వాణికి తుపాకి త‌ర‌పున శుభాకాంక్ష‌లు.