చరణ్‌, రవితేజ... మెగా మూవీ బ్యాడ్‌ సెంటిమెంట్‌

మెగాస్టార్‌ చిరంజీవి 154వ సినిమాలో రవితేజ ఏదో చిన్న గెస్ట్‌ రోల్‌ అంటూ ఇన్నాళ్లు మెగా ఫ్యాన్స్ అనుకున్నారు. కానీ తాజాగా అందుతున్న సమాచారం ప్రకారం సినిమాలో చిన్న రోల్‌ ఏమీ కాదని.. రవితేజ పాత్ర చాలా పెద్దగానే ఉంటుంది అంటూ చిత్ర యూనిట్ సభ్యులు తాజాగా లీక్ ఇచ్చారు. దాదాపుగా సినిమా రన్ టైమ్‌ లో రవితేజ 35 శాతం రన్‌ టైమ్‌ లో స్క్రీన్‌ పై కనిపించబోతున్నట్లుగా పేర్కొన్నారు.

ఈ విషయం రవితేజ ఫ్యాన్స్ కి సంతోషాన్ని కలిగిస్తూ ఉన్నా కొందరు మెగా ఫ్యాన్స్ మాత్రం బ్యాడ్‌ సెంటిమెంట్‌ ను గురించి ఆలోచిస్తున్నారు. చిరంజీవి గత చిత్రం గాడ్‌ ఫాదర్‌ మంచి విజయాన్ని సొంతం చేసుకుంది కానీ అంతకు ముందు సినిమా ఆచార్య తీవ్రంగా నిరాశ పరిచిన విషయం తెల్సిందే. ఇప్పుడు అదే విషయం మెగా ఫ్యాన్స్ లో కంగారును కలిగిస్తోంది.

ఆచార్య సినిమా లో చిరంజీవి తో పాటు రామ్‌ చరణ్ కనిపించాడు. రామ్‌ చరణ్ పాత్ర కూడా కాస్త ఎక్కువగానే ఉంది. కాస్త అటు ఇటుగా వాల్తేరు వీరన్న సినిమాలో కూడా ఆచార్య లో రామ్‌ చరణ్ ఎంత సమయం కనిపించాడో రవితేజ అంత సమయం కనిపించడం కన్ఫర్మ్‌ అయ్యింది.

చిరంజీవి సినిమా లో మరో హీరో నటించడం అనేది ఒక బ్యాడ్‌ సెంటిమెంట్‌ మాదిరిగా అవుతుందని... ఈ సినిమాలో రవితేజ మరింత సమయం కనిపించడం వల్ల ఆచార్య ఫలితం పునరావృతం అవుతుందేమో అంటూ కొందరు అనుమానాలు వ్యక్తం చేస్తూ ఉంటే.. కచ్చితంగా ఆచార్య సినిమా కు దీనికి సంబంధం లేదని కొందరు అంటున్నారు.

గాడ్‌ ఫాదర్ ను మించిన సక్సెస్ ను ఈ సినిమా దక్కించుకుంటుందనే నమ్మకంను మెగా ఫ్యాన్స్‌ లో మెజార్టీ శాతం మంది నమ్ముతున్నారు. దీపావళి సందర్భంగా మెగాస్టార్‌ చిరంజీవి ఫ్యాన్స్ కోసం ఈ సినిమా ఫస్ట్‌ లుక్ మరియు టైటిల్‌ ను రివీల్‌ చేయబోతున్న విషయం తెల్సిందే. అందుకు సంబంధించిన ఏర్పాట్లు పూర్తి అయ్యాయి. ఈ సినిమాలో శృతి హాసన్ హీరోయిన్ గా నటించిన విషయం తెల్సిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.