'బతుక‌మ్మ' కు చెర్రీ స్టెప్పులు!

మెగా ప‌వ‌ర్ స్టార్ రామ్ చ‌ర‌ణ్ సినిమాల‌తోనే కాకుండా సామాజిక కార్య‌క్ర‌మాల‌లో కూడా చురుగ్గా పాల్గొంటాడు. ఆయ‌న భార్య ఉపాస‌న కూడా సేవా కార్య‌క్ర‌మాల‌ను నిర్వ‌హిస్తుంటుంది. అదే త‌ర‌హాలో రామ్ చ‌ర‌ణ్ ఓ అనాథాశ్ర‌మంలో బ‌తుక‌మ్మ వేడుక‌ల‌ను జ‌రుపుకున్నాడు. తెలంగాణ‌లో సద్దుల బ‌తుక‌మ్మ పండుగ సంద‌ర్భంగా అనాథ బాలిక‌ల‌కు చెర్రీ స‌ర్ ప్రైజ్ ఇచ్చాడు. బతుక‌మ్మ పండుగ సంద‌ర్భంగా అనాథ బాలిక‌ల‌తో క‌లిసి ఆడిపాడాడు. ఆ బాలిక‌ల‌తో క‌లిసి స్టెప్పులేసి వారిలో నూత‌నోత్సాహం నింపాడు. ఈ వేడుక‌ల్లో చెర్రీతోపాటు ఆయన భార్య ఉపాస‌న కూడా పాల్గొంది. ఆ వీడియోను చెర్రీ, ఉపాస‌న‌లు సోష‌ల్ మీడియాలో పోస్ట్ చేయ‌డంతో అవి వైర‌ల్ అయ్యాయి.

హైద‌రాబాద్‌ విజ‌య‌న‌గ‌ర్ కాల‌నీలోని గిల్డ్ ఆఫ్ స‌ర్వీస్ సేవా స‌మాజ్ బాలిక నిల‌యంలో నిర్వ‌హించిన బ‌తుక‌మ్మ సంబ‌రాల్లో రామ్ చ‌ర‌ణ్, ఉపాస‌న పాల్గొన్నారు. అక్క‌డి బాలిక‌ల‌తో క‌లిసి ఉత్సాహంగా బ‌తుక‌మ్మ ఆడారు. ఈ సంద‌ర్భంగా చెర్రీ, ఉపాస‌న‌లిద్ద‌రూ పిల్లలతో కలిసి హుషారుగా డ్యాన్స్ చేశారు. చెర్రీ, ఉపాస‌న‌ల‌తో క‌లిసి గిల్డ్ ఆఫ్ స‌ర్వీస్ సేవా స‌మాజ్ బాలికలు ఉత్సాహంగా ఫొటోలు దిగారు. ఈ వేడుకలో నాగబాబు కూతురు నిహారిక, ఉపాసన తల్లి శోభ‌న కూడా పాల్గొన్నారు. బతుక‌మ్మ ఆడుతున్న‌ వీడియోను రాంచరణ్ త‌న ఫేస్‌బుక్ ఖాతాలో పోస్ట్‌ చేశాడు. 'బాలికా నిలయంలోని బాలికలతో దసరా, బతుకమ్మ సంబరాలు. పదేళ్లుగా(చిత్ర పరిశ్రమలో) మీరు చూపుతున్న ప్రేమకు ధన్యవాదాలు. ఇలాగే ఇంకా అనేక‌ ఏళ్లు సాగాలని కోరుకుంటున్నా అంటే చెర్రీ మెసేజ్ చేశాడు. ఉపాస‌న కూడా బ‌తుక‌మ్మ ఆడిన వీడియోను త‌న ట్విట్ట‌ర్ ఖాతాలో షేర్ చేశారు. త‌మ అభిమాన హీరో అనాథ బాలిక‌ల‌తో బ‌తుక‌మ్మ సంబ‌రాల్లో పాల్గొన‌డంపై చెర్రీ అభిమానులు ప్ర‌శంస‌లు కురిపిస్తున్నారు.