మరో స్టైలిష్ విలన్ దొరికాడు

సోనూసూద్ తరువాత చాలా మంది యంగ్ విలన్లు అలా వచ్చి ఇలా వెళ్ళిపోయారు. ఇటీవల జగపతిబాబు విలన్ విషాలు వేయడంతో మరో స్టైలిష్ విలన్ టాలీవుడ్ కి చిక్కినట్టయింది. తాజాగా మరో యంగ్ విలన్ దొరికాడు. అతనే కడప కుర్రాడు చరణ్. ప్రస్తుతం రేష్మి గౌతమ్ తో కలిసి అంతం సినిమాలో స్క్రీన్ షేర్ చేసుకోబోతున్నాడు. ఈ చిత్రం త్వరలోనే ప్రేక్షకుల ముందుకు రానుంది. ప్రభాస్ నటించిన డార్లింగ్ మూవీలో ఓ చిన్న పాత్ర ద్వారా పరిచయం అయిన చరణ్.. ఇక్కడ అవకాశాలు రాకపోవడంతో.. తమిళంలో వెళ్లి విలన్ గా ట్రైచేశాడు. దాంతో విజయ్ నటించిన జిల్లా సినిమాలో విలన్ ఛాన్స్ దక్కింది. బాహుబలిలోనూ కాలకేయుని తమ్ముడి పాత్రలో చిన్న రోల్ పోషించాడు. ఆ తరువాత మళ్లీ టాలీవుడ్లోకి వచ్చి కళ్యాణ్ రామ్ ‘పటాస్’ సినిమాలో విలన్ వేషం కొట్టేశాడు. ఈ చిత్రం ఎంత పెద్ద హిట్టయిందో అందరికీ తెలిసిందే.

ఆ తర్వాత పూరీ జగన్నాథ్- వరుణ్ తేజ్ కాంబినేషన్ లో వచ్చిన 'లోఫర్'లో ప్రతినాయకుడిగానూ... కన్నడనాట భారీ విజయం సాధించిన 'బాక్సర్'లో రేసర్ గా హీరోకు ధీటుగా నటించి క్రిటిక్స్ మనన్నలు పొందాడు ఈ కడప నాటు బాంబ్. కన్నడలోనే తెరకెక్కుతున్న'నాను మతు వరలక్ష్మి' మూవీలోనూ మెయిన్ విలన్ గా నటిస్తున్నాడు. పాత్రలకు తగ్గట్లు రూపాన్ని మార్చుకుని విలన్ క్యారెక్టర్స్ కు ది బెస్ట్ ఛాయిస్ గా మారిన ఈ యంగ్ విలన్.. ప్రస్తుతం వీరభద్రం చౌదరి 'చుట్టాలబ్బాయి'లో ఓ కీ రోల్ ప్లే చేస్తున్నాడు. అంతేనా తమిళ్ లో విశాల్ తో 'కత్తి సాండై'తో పాటు.. 'శరభ'.. 'వీర'.. లారెన్స్ 'మొట్ట శివ కెట్ట శివ'లో నటిస్తున్నాడు ఈ స్టైలిష్ విలన్. సునీల్- వీరు పోట్ల కాంబినేషన్ మూవీలోనూ ఈ చాకులాంటి కుర్రాడే విలన్. ఇలా తెలుగు.. కన్నడ.. తమిళ భాషల్లో దూసుకుపోతున్న చరణ్ సోమవారం పుట్టినరోజు జరుపుకొంటున్నాడు.