జస్టు హెచ్‌ ఐ వి సోకింది అంతే - సూపర్‌ స్టార్‌

హాలీవుడ్ లో డర్టీ ప్లే బోయ్ గా పేరు పొందిన నటుడు చార్లీ షీన్. హీరోయిన్లు, పోర్న్ స్టార్లతో ఈయనకు లైంగిక సంబంధాలు ఉన్నాయి. గత కొన్నాళ్లుగా తనపై వస్తున్న వార్తలను కన్ఫాం చేస్తూ.. తాను హెచ్ఐవీ పాజిటివ్ అని తేల్చి చెప్పాడు ఈ హాలీవుడ్ సూపర్‌ స్టార్‌ చార్లీ షీన్. నాలుగేళ్ల క్రితమే తనకు ఈ విషయం తెలుసని, అయితే.. దీన్ని దాచిపెట్టేందుకు మిలియన్ల కొద్దీ డాలర్లు ఖర్చు చేశానని కూడా చెప్పాడు చార్లీ. ఒక టివిషోలో ఈ విషయం చెప్పేశాడు. ఖరీదైన డ్రగ్సు వాడుతూ కంట్రోల్‌ చేసుకుంటున్నట్లు కూడా చెప్పాడు.

ఇతగాడితో సెక్సువల్ రిలేషన్ ఉన్న అనేకమంది కూడా ఇప్పటికే హెచ్ఐవీ టెస్టులు కూడా చేయించుకుంటున్నారు. కొంతమంది తమకు ఆ వైరస్ సోకలేదని బాహాటంగానే చెబుతున్నారు. లెక్క చూస్తే చార్లీకి మొత్తం ఓ 50 మందితో శారీరక సంబంధం ఉందట. వీరిలో స్టార్ హీరోయిన్లు, ఐదుగురు పోర్న్ స్టార్లు, ఓ టీవీ షో ప్రెజెంటర్, ఓ జర్నలిస్ట్ కూడా ఉందని తేలింది. తాను టెస్ట్ చేయించుకున్నానని.. వైరస్ సోకలేదని.. గతంలో ఛార్లీతో గర్భం తెచ్చుకుని అబార్షన్ చేయించుకున్న ఓ పోర్న్ స్టార్ ప్రకటించింది కూడా.

డొన్నా పీలే అనే మహిళను మొదట వివాహం చేసుకున్న చార్లీ.. ఏడాదికే విడిపోయాడు. రెండో పెళ్లి మాజీ బాండ్ గర్ల్ డెనిస్ రిచర్డ్ తో జరిగింది. ఇద్దరు కూతుళ్లు పుట్టాక 2006లో ఈ పెళ్లి పెటాకులు అయిపోయింది. ప్రస్తుతం స్కాటిన్ రాస్ అనే పోర్న్ స్టార్ ని పెళ్లి చేసుకోవాల్సి ఉండగా.. ఇదిగో ఈ వివాదం కారణమంగానే క్యాన్సిల్ అయింది. బ్రూస్ ఆల్సన్ అనే గాళ్ ఫ్రెండ్ కూడా చెకప్ చేయించుకుంటున్నట్లు చెప్పింది. వీరిలో చాలామంది ఇప్పుడు చార్లీపై కేసులు పెట్టేందుకు సిద్ధమవుతున్నారు. తమతో లైంగిక సంబంధం పెట్టుకునేపుడు.. హెచ్ఐవీ గురించి చెప్పలేదనే కేసులు ఇప్పుడు చార్లీని చుట్టుముట్టనున్నాయి. మొత్తానికి డర్టీ ప్లే బాయ్ ఇప్పుడు కేసుల్లో కూరుకుపోవడం ఖాయమైంది.