రోగ్‌ వెనుక నడిపించేది ఛార్మి?

పూరీ జగన్‌ వెన‌క ఓ కొత్త లేడీ ఉంద‌న్న‌ది ఇటీవ‌లి కాలంలో ఫిలింన‌గ‌ర్ ముచ్చ‌ట‌. అది కాస్తా ర‌చ్చ రచ్చ అయ్యి బోలెడంత చిచ్చు పెట్టింది కూడా. ఏడాదిలో ఇదో మ‌ర‌క అంటూ విశ్లేష‌ణ‌లు కూడా వచ్చేశాయ్‌. ఛార్మి క‌థానాయిక‌గా జ్యోతిల‌క్ష్మి ఏ ముహూర్తాన తీశాడో పూరీకి అన్నీ అప‌శ‌కునాలే. అవ్వాల్సిన ప‌నులేవీ అవ్వ‌డం లేదు. చిరుతో 150 చిక్కిన‌ట్టే చిక్కి వెనక్కి పోయింది. అంత‌కంటే ముందే నితిన్‌ తో తీయాల్సిన లోఫ‌ర్ కాస్తా వేరే చోటికి వెళ్లిపోయింది. ఆ రెండు సినిమాల్లో ఛార్మి వేలు ఉంద‌ని టాలీవుడ్ కోడై కూసింది.

పూరి ఏ సినిమాకి డైరెక్ట్ చేసినా ఛార్మి కోప్రొడ్యూస‌ర్‌ గా ప‌నిచేస్తుంద‌ని కొక్కురోకో అంటూ కోడిపుంజు వార్త‌లా ప్ర‌చార‌మైంది. ఆ దెబ్బ‌కి బ‌డా ప్రాజెక్టుల‌న్నీ నేల‌కూలాయి. పూరీ ప‌ని రాం రాం అయ్యింది. దాంతో ఇప్పుడు అత‌డు కొత్త హీరోల్ని వెతుక్కుని సినిమాలు చేయాల్సొస్తోంది. పూరి ప్ర‌స్తుతం రోగ్ సినిమా తెర‌కెక్కిస్తున్నాడు. ఇందులో ఇషాంత్ అనే కొత్త కుర్రాడు హీరోగా ప‌రిచ‌యం అవుతున్నాడు. అయితే ఇంత‌వ‌ర‌కూ ఒక్క క‌థానాయికా ఫైన‌ల్ అవ్వ‌లేదు. నిన్న‌నే పూజా జ‌వేరీ అనే అమ్మాయిని నాయిక‌గా ఫిక్స్ చేశార‌ని చెప్పుకున్నాం. అయితే బిహైండ్ దిస్ ఛార్మి వేలు ఉంద‌న్న‌ది తాజా వార్త‌. ఆల్రెడీ పూరి క్యాంపు నుంచి ఎగ్జిట్ అయ్యింద‌నుకున్న ఛార్మి కీల‌క‌మైన కాస్టింగ్ సెల‌క్ష‌న్ విభాగంలో ప‌నిచేస్తోందిట‌.

సన్నహితుల చెబుతున్న విషయం బట్టి చూస్తే.. ఏ హీరోయిన్ కావాలో ఛార్మి ఎంపిక చేస్తోందిట‌. ఇప్ప‌టికే ముంబై ముద్దుగుమ్మ‌లు అమైరా ద‌స్త‌ర్‌ - నేహాశ‌ర్మ చెల్లెలు ఐషా శ‌ర్మ పేర్ల‌ను వెలికి తీసింది ఛార్మినే. రోగ్ స‌ర‌స‌న ఈ ముద్దుగుమ్మ‌లు స‌రిపోతార‌ని ఛార్మి భావించిందిట‌. కానీ ఎందుక‌నో ఆ ఇద్ద‌రూ ప్రాజెక్టు నుంచి త‌ప్పుకున్నారు. ఇప్పుడు పూజా జ‌వేరీ అనే కొత్త‌మ్మాయ్‌ ని ఛార్మీయే తెచ్చిందిట‌. మ‌రి ఆ ఇద్ద‌రూ ఎందుకెళ్లిపోయిన‌ట్టు? సర్లేండి.. ఛార్మి పూరి జస్ట్‌ ఫ్రెండ్స్‌ అని ఇదివరకు ఓసారి చెప్పారు. అది సంగతి.