ఛార్మీకి దేవి ఓకే చెప్పాడ‌ట‌!

మ్యూజిక్ మిస్సైల్ దేవిశ్రీ ప్ర‌సాద్ హీరోగా స‌కుమార్ ద‌ర్శ‌క‌త్వంలో దిల్‌ రాజు ఓ చిత్రాన్ని నిర్మిస్తున్న విష‌యం తెలిసిందే. అయితే ఈ సినిమా గురించి దిల్‌ రాజు ప్ర‌క‌టించిన నాటి నుంచి ఈ మూవీకి సంబంధించి రోజుకో టాపిక్ బ‌య‌ట‌కొస్తోంది. నిన్న మొన్న‌టి దాకా దేవీ సినిమాకు రాక్‌ స్టార్ టైటిల్ ఎంపిక చేశార‌ని కొంద‌రంటుంటే, మ‌రి కొంద‌రేమో లేదు ఫీల మై ల‌వ్ అంటున్నారు. అది తెర‌మ‌రుగై తాజాగా మిస్సైల్ అనే టైటిల్ తెర మీద‌కొచ్చింది. దేవీ సంగీత ద‌ర్శ‌కుడు కాబట్టి రాక్‌ స్టార్ టైటిల్ అయితేనే యాప్ట్ అన్న‌ది సినీ వ‌ర్గాల అభిప్రాయం. ఇదిలా ఉంటే దేవీ సినిమాకు సంబంధించి మ‌రో వార్త హ‌ల్ చ‌ల్ చేస్తోంది. అదేమిటంటే

గ‌తంలో ఛార్మీకి దేవీకి మ‌ధ్య ఎపైర్ ఉందంటూ, వాళ్లు పెళ్లి కూడా చేసుకోబోతున్నారంటూ చాలా వార్త‌లొచ్చాయి. రాను రాను అవి గాసిప్స్ గానే మిగిలిపోయాయి. కానీ వారిద్ద‌రి మ‌ధ్య మంచి సాన్నిహిత్యం ఉంద‌న్న‌ది నిజం. అదిలా ఉంచితే...దేవిశ్రీ ప్ర‌సాద్‌ కి సినిమా ఫైన‌ల్ అయింద‌ని తెలిసిన‌ ఛార్మీ...ఇటీవ‌ల దేవీకి ఫోన్ చేసి నీ సినిమాలో నాకు మంచి క్యార‌క్ట‌ర్ ఇవ్వ‌మ‌ని అడిగింద‌నీ, త‌ను కాద‌న‌లేక ఓకే చెప్పాడ‌ని స‌మాచారం. ఇందులో నిజానిజాలు మాత్రం దేవుడికే తెలియాలి. ప్ర‌స్తుతం దేవీ సినిమాకి సంబంధించిన ఈ వార్త మాత్రం హాట్ టాపిక్ మారింది.