ఫొటో స్టోరీః స‌ముద్రానికే సెగ పుట్టించింది!

మామూలుగా వీకెండ్స్ వ‌స్తే హ్యాపీ వీకెండ్ అనో, జాయ్‌ ఫుల్ వీకెండ్ అనో విష్ చేస్తారు. కానీ ఛార్మి మాత్రం సెక్సీ సండే అని విష్ చేసింది... వెరైటీగా. అది కూడా సెక్సీగా క‌నిపించే త‌న స్టిల్‌ని పోస్ట్ చేస్తూ! దీన్నిబ‌ట్టి అమ్మ‌డి జోరేంటో అర్థ‌మ‌వుతోంది. పంజాబీ భామ ఇటీవ‌ల `జ్యోతిల‌క్ష్మి`గా సంద‌డి చేసి మాంచి హుషారుతో క‌నిపిస్తోంది ఛార్మి. ఆ సినిమా చెప్పుకోద‌గ్గ స్థాయిలో ప్రేక్ష‌కుల‌కు చేరువ కాలేక‌పోయినా ఛార్మికి మాత్రం చాలా మేలు చేసింది. సెక్సీగా క‌నిపించి త‌న‌లో ఇంకా అందం త‌రిగిపోలేద‌ని చాటిచెప్పింది. అలాగే నిర్మాత‌గా కూడా అనుభ‌వం గ‌డించింది. డైరెక్ట‌ర్ పూరితోనూ మ‌రింత సాన్నిహిత్యం పెంచుకొంది. దీంతో త‌దుప‌రి సినిమా నిర్మాణ బాధ్య‌త‌ల్ని కూడా ఆమెకే ఇచ్చే ప్ర‌య‌త్నం చేశాడు పూరి. కానీ చివ‌రి నిమిషంలో విర‌మించుకొన్నాడు.

ఇక్క‌డ మాత్రం చెప్పొచ్చేదేమిటంటే ఛార్మి త‌న అందాల‌కి మ‌రింత ప‌దును పెట్టిన‌ట్టు తెలుస్తోంది. నా కొత్త లుక్ ఎలా ఉందో చూడండి అంటూ ఇటీవ‌ల ఓ ఫొటో షూట్ కూడా చేయించుకొంది. స‌ముద్ర‌పు ఒడ్డున నిలుచుని సెక్సీ లుక్కుల‌తో ఫొటో షూట్ చేయించింది. అమ్మ‌డి అందాల సెగ ఇక్క‌డ స‌ముద్రానికి తాకిన‌ట్టు అనిపించ‌డం లేదూ! ఇక నుంచి నా ఫొటో షూట్‌ లోని స్టిల్స్ రోజుకొకటి విడుద‌ల చేస్తుంటా అని స్ప‌ష్టం చేసింది ఛార్మి. అలా ఎందుకు చేస్తుందంటారా? ఇంకెందుకండీ... అవ‌కాశాల కోస‌మే. `జ్యోతిల‌క్ష్మి`తో అద‌ర‌గొట్టినా ఛార్మికి మాత్రం కొత్త అవ‌కాశాలేవీ రాలేదు. మ‌రి ఈ హాట్ హాట్ స్టిల్స్ చూశాకైనా ద‌ర్శ‌కులు స్పందిస్తారో లేదో చూడాలి.