మేకింగ్ వీడియోః ‘చావు కబురు..’ భలే జోష్ గా చెప్పేశారు పో..!

కార్తికేయ - లావ‌ణ్య త్రిపాఠి జంట‌గా రాబోతున్న చిత్రం ‘చావు క‌బురు చ‌ల్ల‌గా’. కౌశిక్ పెగ‌ళ్ల‌పాటి తెర‌కెక్కించిన ఈ మూవీని బ‌న్నీవాసు, అల్లు అర‌వింద్ సంయుక్తంగా నిర్మించారు. ఈ సినిమా ఈ నెల 19న గ్రాండ్ గా రిలీజ్ కాబోతోంది. ఇప్ప‌టికే ప్రీ రిలీజ్ ఈవెంట్ కూడా గ్రాండ్ గా నిర్వ‌హించ‌డంతో ఈ చిత్రానికి మంచి హైప్ వ‌చ్చింది.

తాజాగా.. ఈ సినిమాలోని ఓ పాట‌కు సంబంధించిన మేకింగ్ వీడియోను రిలీజ్ చేసింది యూనిట్‌. ‘‘ఎట్టాగా పుట్టావురో.. అట్టాగే పోతావురో.. ఉన్న‌న్నాళ్లూ పండ‌గ‌చేసి పాడెక్కెయ్ రో.. మై నేమ్ ఈజ్ రాజు’’ అంటూ సాగిపోయే ఫాస్ట్ బీట్ కేక పెట్టిస్తోంది. జీవిత పరమార్థాన్ని నాలుగు ముక్కలో చెప్పేసిన ఈ సాంగ్.. ఎలా బ‌త‌కాలో కూడా గీతోప‌దేశం చేస్తోంది. మీరు కూడా ఓ లుక్కేసి ఎంజాయ్ చేసేయండి.