హీరో నితిన్ 'చెక్' టీజర్ విడుదల.. ఆద్యంతం ఆసక్తికరంగా..!!

టాలీవుడ్ యువ హీరో నితిన్.. ప్రస్తుతం ఫుల్ స్వింగ్ లో ఉన్నట్లు అనిపిస్తుంది. ఎందుకంటే చేతినిండా సినిమాలతో బిజీబిజీ అవుతున్నాడు. ఇప్పటికే రంగ్ దే - పవర్ పేట - సినిమాలతో పాటు చెక్ అనే సినిమాను లైన్ లో పెట్టిన సంగతి తెలిసిందే. చంద్రశేఖర్ ఏలేటి దర్శకత్వంలో రూపొందుతున్న ఈ సినిమా శరవేగంగా షూటింగ్ జరుపుకుంటోంది. అయితే మొదటి నుండి కూడా డిఫరెంట్ సినిమాలతో అలరిస్తున్న డైరెక్టర్ చంద్రశేఖర్ ఏలేటి ఈసారి కూడా ఒక వెరైటీ కాన్సెప్ట్ తో తెరమీదకి రాబోతున్నట్లు తాజాగా విడుదల చేసిన చెక్ టీజర్ చూస్తే అర్ధమవుతుంది. ఇక ఆద్యంతం ఆసక్తి రేపుతున్న చెక్ టీజర్ లో హీరో నితిన్ జైలులో ఖైదీగా పరిచయం చేసాడు. జైల్లో ఖైదీగా ఉన్న హీరో చెస్ ఆటలో ఆరితేరిన వాడని.. ఒక ఖైదీ చెస్ అద్భుతంగా ఆడుతున్నాడు. అంటే విశ్వనాధ్ ఆనంద్ లా అంటూ మాటలతో టీజర్ స్టార్ట్ అయింది.

ఆ తర్వాత ఐదుగురు నేరస్థులను ఉరి వేయడానికి తీసుకెళ్తుండగా అందులో హీరో ఉండటం.. ఇంతలో తీవ్రవాది, టెర్రరిస్ట్, దేశద్రోహి ఇదే నీ గుర్తింపు అంటూ హీరో పై పోలీస్ అరవడం.. ఆ వెంటనే 'హిస్ ఇన్నోసెంట్' అని హీరోయిన్ చెప్పడం.. పక్కా ఆసక్తి రేవుతున్నాయి. టీజర్ చూస్తేనే ఈ సినిమాలో జైలుకి, చెస్ ఆటకు ఏదో సంబంధం ఉందని తెలుస్తుంది. ఇక నితిన్ కూడా ఖైదీగా యాక్షన్, ఫైట్ ఇలా అన్ని చేస్తున్నాడు. ప్రస్తుతం ఈ వీడియో సోషల్ మీడియాలో వైరల్ అవుతోంది. భవ్య క్రియేషన్స్ బ్యానర్ లో వి. ఆనంద్ ప్రసాద్ ఈ సినిమాను నిర్మిస్తున్నాడు. ఇక రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లుగా నటిస్తున్నారు. ఇదేగాక బాలీవుడ్‌ సూపర్‌ హిట్‌ 'అంధాధున్‌' సినిమాను నితిన్‌ ప్రధాన పాత్రలో రీమేక్‌ చేస్తున్న సంగతి తెల్సిందే.