చెలియా క్లీన్ స్వీప్ అంటున్నారు

తమిళ హీరో కార్తికి టాలీవుడ్ లో చాలానే మార్కెట్ ఉంటుంది. దాదాపుగా తన అన్నయ్య సూర్యతో సమానంగా టాలీవుడ్ లో మార్కెట్ క్రియేట్ చేసుకున్నాడు కార్తి. ఊపిరి లాంటి డైరెక్ట్ మూవీలో నటించి మరింత దగ్గరయ్యాడు కూడా. అందుకే ఇక్కడ కార్తి సినిమాలకు ఓపెనింగ్స్ బాగానే ఉంటాయి.

మరోవైపు దిగ్గజ దర్శకుడు మణిరత్నం ఓకే బంగారం మూవీతో ట్రాక్ లోకి వచ్చేశారు. దీంతో మణిరత్నం-కార్తిల కాంబినేషన్ లో వస్తున్న మూవీపై అంచనాలు పెరిగిపోయాయి. తెలుగులో కూడా చెలియాపై భారీగా పెట్టేశాడు నిర్మాత దిల్ రాజు. తెలుగు రాష్ట్రాల్లో కూడా భారీ ఓపెనింగ్స్ వస్తాయని అంచనా వేశారు కానీ.. సిట్యుయేషన్ మాత్రం వేరుగా ఉంది. ఇక్కడ కనీస మాత్రం ఓపెనింగ్స్ కూడా దక్కించుకోలేకపోయింది చెలియా. మణిరత్నం సినిమాలకు మహారాజ పోషకులు అయిన మల్టీప్లెక్స్ ఆడియన్స్ కూడా చెలియా చిత్రాన్ని పట్టించుకోలేదు. తొలి రోజు కూడా మల్టీప్లెక్స్ లు ఫుల్స్ పడలేదంటే పరిస్థితి అర్ధమవుతుంది.

దీనికి తోడు టాక్ కూడా మరీ బ్యాడ్ గా ఉండడంతో.. ఇక ఈ మూవీ కోలుకోవడం కష్టమే అంటున్నారు ట్రేడ్ జనాలు. మరోవైపు యూఎస్ మార్కెట్లో కూడా చెలియా పరిస్థితి ఇలాగే ఉంది. తమిళ్ వెర్షన్ కు లక్ష డాలర్ల కలెక్షన్స్ వచ్చినా.. తెలుగు వెర్షన్ కు చెప్పుకోదగ్గ ఫిగర్ కూడా రాలేదు. ఈ చిత్రంపై దిల్ రాజు పెట్టుబడి అంతా వాషౌట్ అయిపోయినట్లే అంటున్నారు.

Like Us on Facebook : https://www.facebook.com/Tupakidotcom/