పిక్ టాక్: 'మహా సముద్రం' ఒడ్డున గార్జియస్ బ్యూటీ..!

టాలెంటెడ్ యాక్టర్స్ శర్వానంద్ - బొమ్మరిల్లు సిద్ధార్థ్ హీరోలుగా నటిస్తున్న లేటెస్ట్ మూవీ ''మహాసముద్రం''. 'Rx 100' ఫేమ్ దర్శకుడు అజయ్ భూపతి తెరకెక్కిస్తున్న ఈ సినిమాలో అదితి రావు హైదరి - అను ఇమ్మాన్యుయేల్ హీరోయిన్లుగా నటిస్తున్నారు. ఇప్పటికే షూటింగ్ పూర్తి చేసుకున్న ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి. ప్రపంచవ్యాప్తంగా అక్టోబర్ 14న ఈ చిత్రాన్ని థియేట్రికల్ రిలీజ్ చేయనున్నారు. ఈ నేపథ్యంలో ప్రమోషన్స్ మొదలుపెట్టిన మేకర్స్.. తాజాగా సెకండ్ సింగిల్ అప్డేట్ ఇచ్చారు.

'మహా సముద్రం' చిత్రంలోని ''చెప్పకే.. చెప్పకే..'' అనే సాంగ్ ని సెప్టెంబర్ 6న విడుదల చేయనున్నట్లు చిత్ర బృందం వెల్లడించింది. ఈ క్లాసీ మెలోడీకి సంగీత దర్శకుడు చైతన్ భరద్వాజ్ స్వరాలు సమకూర్చారు. సాంగ్ అనౌన్స్ మెంట్ సందర్భంగా ఓ బ్యూటిఫుల్ పోస్టర్ ని వదిలారు. చీర కట్టులో ఉన్న అదితి రావు హైదరి అందంగా కనిపిస్తోంది. సముద్రపు ఒడ్డున కూర్చొని మనోహరమైన ఎస్ప్రెషన్ ఇస్తోంది. ఇంతకుముందు విడుదల చేసిన 'హే రంభా' అనే మాస్ సాంగ్ విశేష స్పందన తెచ్చుకోగా.. ''చెప్పకే చెప్పకే'' పాట ఒక బ్రీజీ అండ్ స్వీట్ సౌండింగ్ నంబర్ అవుతుందని చిత్ర యూనిట్ చెబుతోంది.

ఇంటెన్స్ లవ్ అండ్ యాక్షన్ ఎంటర్టైనర్ గా రూపొందుతున్న 'మహా సముద్రం' సినిమాపై మంచి అంచనాలు నెలకొన్నాయి. ఈ ప్రతిష్టాత్మక ప్రాజెక్ట్ ని ఏకే ఎంటర్‌టైన్‌మెంట్స్ బ్యానర్ పై సుంకర రామబ్రహ్మం భారీ స్థాయిలో నిర్మిస్తున్నారు. రాజ్ తోటా సినిమాటోగ్రఫీ అందిస్తున్న ఈ చిత్రానికి ప్రవీణ్ కేఎల్ ఎడిటింగ్ వర్క్ చేస్తున్నారు. కొల్లా అవినాష్ ప్రొడక్షన్ డిజైనింగ్ చేస్తున్నారు. ఈ చిత్రంలో జగపతి బాబు - రావు రమేష్ - గరుడ రామ్ లు కీలక పాత్రలు పోషిస్తున్నారు.